Ымыркайды кызыктыруу 

Сизге керектүү материалдар: Ымыркайыңыз көбүнчө жактырган кадимки эле буюмдар же ойной турган нерселер.

Бирге эмне кылсаңыз болот: Ушул куракта ымыркайыңыз "мен тажадым" же "мага жагып жатат, токтобоңуз!", деп айта албайт. Кичинекей ымыркайыңыздын абалын байкап, ымыркайыңыз жаңы бир нерсени көрүүгө же жасоого кызыгып жаткандыгын билсеңиз болот. Ымыркайыңыз тынчсызданышы же мурун кызыккан нерсесинен баш тартышы мүмкүн. Же ал жөн гана башка жерге же башка калыпка которулушту каалап жаткан болушу мүмкүн. 

Ымыркайыңызды кызыктырууга, сергек болууга жана канааттандыруу үчүн бир нече нерсени жасап көрүңүз. Сиз ымыркайыңызды  башкалардан эң жакшы билесиз. Балким, колго алган жаңы буюм аны көпкө суктандырат.  Же ымыркайыңызды көтөрүп, бир аз басып, бөлмөнүн башка бөлүктөрүн кыдырып көрсөңүз болот. Же, балким, "курсакта жатуу убактысы" жетиштүү болуп, ымыркайыңыз бир нерсени карап, чалкасынан жатууну каалап жаткандыр.

Ар бир мүнөт сайын башка иш-аракеттерди жасоонун кажети жок, жөн гана ымыркайыңыздын сигналдарына көңүл буруп, бир азга азыраак же бир азга көбүрөөк өзгөрүүлөрдү жасап, стимулдаштыруу ымыркайыңызды ыраазы кылып, кызыгуусун жаратышы мүмкүн.

Ымыркайыңыз эмнени үйрөнүп жатат:  Ымыркайыңыз ары-бери басып же сүйлөй электе эле, ал сизге ага эмне керек экендигин айтуунун жолдорун билет. Көргөн же кармаган  буюмдардагы, жөнөкөй нерселердин өзгөрүүлөрү же ымыркайдын абалындагы кичинекей өзгөрүүлөр ага жаңы билим алуу мүмкүнчүлүктөрүнө жол ачат. Убакыттын өтүшү менен, өзүңүзгө жана ымыркайыңызга билим алууга убакыт эмне бергенин түшүнөсүз.