Ымыркайды тууроо

Сизге керектүү материалдар: Эч нерсенин кереги жок же бир гана баланын отургучу керек

Бирге эмне кылсаңыз болот: Айланадагы ар кандай үндөрдү угуу ымыркайлардын тилин өнүктүрүүгө жардам берет. Ымыркай менен байланышты өнүктүрүү үчүн төмөнкү көнүгүүнү жасаңыз.

Алгач ымыркайды колуңузга көтөрүп, андан кийин жумшак жерге чалкасынан жаткырыңыз же ымыркайдын отургучуна отургузуңуз. Көнүгүүнү  ымыркайыңыз  менен ар кандай темада сүйлөшүп баштаңыз, анын жообун күтүңүз.

Ымыркай жооп бергенде, ал муну акырын үндөр аркылуу жасайт жана сиз ал үндөрдү туурап, алгач бирдей көлөмдө, андан кийин көбөйтүп, ага тамак үндөрү менен жооп берүүгө түрткү бериңиз.

Позитивдүү жана токтоо мамилени сактоо ар дайым эсиңизде болсун. Иш аракетти маңдайынан өөп, мээримдүү кучактап бүтүрүңүз.

Балаңыз эмнени үйрөнүп жатат: Көнүгүүнүн бул түрү угуу сезимин ойготууга жана кийинчерээк сүйлөө процессин жеңилдетүү үчүн ар кандай фонемаларды таанууга мүмкүнчүлүк берет. Ошондой эле ымыркайга ал чыгарган үндөрдү  угууга мүмкүнчүлүк берет.