Djegia nga dielli

Lëkura e pambrojtur e ekspozuar ndaj rrezeve të forta të diellit mund të digjet brenda 15 minutave. Lëkura e fëmijëve është më e hollë dhe mekanizmi i saj mbrojtës është më i dobët se tek të rriturit, kështu që fëmijët skuqen shumë më shpejt. Lëkura e djegur nga dielli është e kuqe, e dhimbshme dhe e fryrë dhe mund të shfaqen flluska.

Nëse nuk ka flluska në vendin e djegies: 

• Ftoheni vendin, duke e pastruar me ujë të ftohtë ose vendosni fasha të ftohta mbi të, ndërsa nëse preket një zonë më e madhe, lajeni fëmijën me ujë të ftohtë (por jo akull të ftohtë).
• Ju mund të aplikoni një tretje me aloe ose ndonjë përgatitje tjetër për trajtimin e djegieve, por vetëm me konsultim paraprak me ndonjë mjek ose farmacist.
• Nëse fëmija juaj ka dhimbje të forta, ju mund t’i jepni atij/asaj një ilaç dhimbjeje (paracetamol, ibuprofen) siç rekomandohet nga pediatri juaj.

Nëse shfaqen flluska: 

• mos i shpërtheni ato
• jepni fëmijës shumë lëngje për të pirë.
• mos e ekspozoni fëmijën në diell për ditët e ardhshme derisa skuqja të ulet.

Në rast të djegieve të rënda nga dielli ose nëse fëmija është më i/e ri/e se një vit, menjëherë kontaktoni një pediatër!