Duhanpirja pasive

Duhanpirja pasive (Duhanpirja e dorës së dytë) - thithja e pavullnetshme e tymit të duhanit që përbëhet nga një përzierje tymi nga një cigare e ndezur dhe tymi i nxjerrë nga një duhanpirës. 1.2 milionë vdekje në vit lidhen me ekspozimin ndaj tymit të duhanit.

Nëse pini duhan gjatë shtatzënisë ose jeni të ekspozuar ndaj duhanpirjes pasive, trupi juaj vuan nga mungesa e oksigjenit - rolin e tij e merr monoksidi toksik i karbonit.

         Qëndrimi në dhomë me tym ka efektin e pirjes së një cigareje në orë!

          TË GJITHA SUBSTANCAT E DËMSHME ndaj të cilave jeni të ekspozuar transmetohen nëpërmjet placentës tek fetusi!

Ngushtimi i enëve të gjakut të nënës shkakton reduktimin e furnizimit me oksigjen dhe lëndë ushqyese. Ndryshimet e shkaktuara nga tymi i duhanit mund të shihen në placentë me anë të ultrazërit.

Nëse jeni duhanpirës dhe/ose ekspozoheni shpesh ndaj tymit të duhanit në periudha më të gjata, gjasat që të keni pasoja negative të shtatzënisë janë më të larta, si:

  • abort spontan;
  • zhvillimi dhe rritja e ngadaltë e fetusit;
  • peshë më të vogël në lindje;
  • lindja e parakohshme;
  • qëndrueshmëria e foshnjës është me e dobët për një periudhë më të gjatë pas lindjes;
  • sindromi i vdekjes së papritur të foshnjës.

 

Pothuajse gjysma e fëmijëve në botë thithin ajër të ndotur nga tymi i duhanit!

Gjatë fëmijërisë së hershme, të gjitha proceset në trup janë më intensive, përfshirë edhe thithjen e substancave që arrijnë në inde përmes gjakut - si ato të dobishme ashtu edhe ato të dëmshme. Prandaj, fëmijët që janë të ekspozuar në mënyrë kronike ndaj tymit të duhanit kanë më shumë gjasa të përjetojnë:

  • otitis media (grup sëmundjesh inflamatore të veshit të mesëm);
  • infeksione të rrugëve të frymëmarrjes;
  • shfaqje dhe përkeqësim i astmës;
  • sëmundje alergjike;
  • probleme të sjelljes dhe vështirësi në të nxënë;
  • meningjit;
  • sindromi i vdekjes së papritur të foshnjës.

 

Disa hulumtime tregojnë  lidhshmërinë midis duhanpirjes pasive dhe shfaqjes së disa sëmundjeve malinje tek fëmijët.

Rreth 65,000 fëmijë vdesin çdo vit si rezultat i sëmundjeve që lidhen me ekspozimin ndaj tymit të duhanit.

Nuk ka asnjë nivel të sigurt të ekspozimit ndaj tymit të duhanit!

  • Mos lejoni askënd (as veten tuaj) të pijë duhan në shtëpinë tuaj!;
  • Mos lejoni pirjen e duhanit në makinë!;
  • Sigurohuni që dhoma e lojërave, parqet dhe zonat e tjera ku fëmija kalon kohën të jenë zona ku ndalohet pirja e duhanit!;
  • Kur dilni me fëmijën, zgjidhni restorante dhe kafene ku ndalohet pirja e duhanit.
  • Edhe vendet ku është zyrtarisht e ndarë hapësira për mospirjen e duhanit, nuk ofrojnë mbrojtje të plotë nga tymi i duhanit!