Si të përgatisni fëmijën për vaksinim

Marrja e vaksinës mund të jetë e dhimbshme për fëmijë. Për këtë arsyeja është e rëndësishme  që ju edhe fëmija të përgatitet për këtë ngjarje. Vaksinimi është i shpeshtë në vitin e parë dhe foshnja është tepër e vogël për të kuptuar pse është e rëndësishme për të, çfarë e pret dhe si të sillet. Sidoqoftë, këto shpjegime do të jenë shumë të dobishme më vonë. Foshnja një muajsh kur merr vaksinat mund të kuptojë gatishmërinë tuaj emocionale - qetësinë, sigurinë dhe ndjenjat mbrojtëse që mund t'ia jepni.

Si të bëhet kjo?

Përgatitja për vaksinim në muajt e parë të foshnjës është e rëndësishme të bëhet nga prindi që ka qëndrim pozitiv dhe që mund të kontrollojë në mënyrë efektive frikën nga injeksioni. Në mënyrë që të ndjehet ngrohët dhe sigurt, rekomandohet që ndërsa merr vaksinën të komunikohet në vazhdimësi me foshnjën, me mesazhe të butësisë, dashurisë dhe përkujdesjes. Qëndrimi juaj fuqizohet edhe me sjelljen e personelit mjekësor, që ka përvojë me këto procedura dhe i kryen në mënyrë rutinore. Duke bashkëpunuar me stafin do të gjeni mënyrën më të shkurtër, më të mirë dhe pa dhimbje për  foshnjën dhe ju. Përvojat e para do të projektohen më vonë në të gjitha përvojat pasuese me vaksinimin, prandaj sigurohuni që përvojat e para të kalojnë me sa më pak pasoja emocionale që të jetë e mundur.

Pas përfundimit të vitit të parë, mund të flisni me fëmijën dhe të përgatiteni për procesin e vaksinimit para se të shkoni për ta bërë vaksinën. Për disa fëmijë, të tillë si fëmijët që kanë vështirësi të adaptohen ose kanë kaluar një periudhë kohore të vështirë dhe frustruese, përgatitja paraprake është jashtëzakonisht e rëndësishme sepse zvogëlon përvojën e stresit dhe rrjedhimisht edhe pasojat emocionale të stresit për shkak të vaksinimit. Tashmë shumë prindër po përdorin lojëra imituese, që me një emër mund t'i quajmë "lojëra të mjekut". Në këto lojëra, është veçanërisht interesante që fëmijët t'i dhurojnë një "shishe" mamitë dhe babit apo anëtarëve të tjerë të familjes. Fëmijët gëzohen kur demonstrojnë fuqi, për ju është mundësi e mirë për t'i treguar fëmijës dhe për ta inkurajuar atë që të durojë dhimbjen pa reagime të tepërta.

Gjatë përgatitjes për çfarëdo lloj injeksioni, është e rëndësishme mos t’ia fshihni të vërtetën fëmijës. Rekomandohet ti ofroni strategji specifike për tu përballur me dhembjen dhe bashkërisht të zgjidhni për strategjinë më të mirë. Për shembull, mund t’i thuash "po, do t’ju lëndojë, por ne do të fryjmë (ose do të numërojmë) dhe kjo do të na ndihmojë të kapërcejmë dhimbjen më shpejt" ... ose "do të t’ju mbajë dorën, ndërsa ju dhemb më shtrëngoni dorën me sa fuqi që të keni”, kështu do t’i ndihmoni fëmijës ta përjetoj më lehtë dhimbjen. Çfarëdo veprimi që zgjidhni së bashku dhe jeni aty me fëmijën, është strategji e mirë! Si të gjithë njerëzit, edhe fëmijët zakonisht kanë nevojë vetëm për empati në atë që po kalon.

E rëndësishme!

Nuk ju këshillojmë të përdorni këto strategji për të marrë rolin "njeriu maço", që ju të ndjeheni të turpëruar nëse fëmija  qan apo ka frikë nga injeksionet, etj.  Gjithashtu, nuk ju këshillojmë të përkrahni përvetësimin e rolit “vajzë e dobët”, e cila “mund” të qajë vetëm se është vajzë. Në këtë mënyrë mund t'i privoni fëmijës ndjeshmërinë dhe mirëkuptimin, gjë që vetëm sa do të intensifikojë reagimet e frikës, rezistencës, stresit dhe pasojave. Këto gabime në dukje banale, mund të krijojnë frikën e fëmijës nga mjeku në përgjithësi, gjë që mund ta vështirësojë përgjithmonë procesin e kujdesit ndaj shëndetit të  fëmijës.