Pastrimi i syve, hundës dhe veshëve të foshnjës

Pastrimi i syve, veshëve dhe hundës së foshnjës: udhëzime bazë

Ju mund t’i pastroni sytë, veshët dhe hundën e foshnjës tuaj kur jeni duke e larë atë. Uji i ngrohtë është gjithçka që ju nevojitet. Shmangni përdorimin e sapunit sepse lëkura e foshnjës suaj është e ndjeshme dhe sapuni mund ta thajë atë.

Hapat për pastrimin e fytyrës së foshnjës

Këtu janë dhënë hapat bazë për pastrimin e syve, veshëve dhe hundët e foshnjës:

1. Merrni disa topa pambuku.
2. Lageni një top pambuku në ujë të ngrohtë.
3. Pastroni qoshet e syve të fëmijës suaj, duke fshirë butësisht nga qoshet e brendshme në qoshet e jashtme.
4. Përdorni një top të ri pambuku për secilin sy.
5. Fshini butësisht rreth çdo vrimë hunde për ta fshirë mukozën e mundshme. Më së miri është të mos futni asgjë brenda vrimave të hundës së foshnjës suaj (duke përfshirë shkopinj pambuku). Kjo mund ta dëmtojë mbështjellësin e hundës dhe të shkaktojë gjakderdhje.
6. Fshini pjesën prapa veshëve të foshnjës suaj dhe përreth pjesës së jashtme të secilit vesh. Kini kujdes të mos futni asgjë (duke përfshirë shkopinj pambuku) brenda veshit të foshnjës, sepse është shumë e lehtë të shkaktohen dëme.
7. Fshini butësisht pjesën nën mjekër dhe qafën e foshnjës suaj, duke u siguruar që të fshini midis pjesëve ku lëkura bëhet palë.
8. Butësisht kaloni mbi lëkurën e foshnjës suaj, duke përdorur një peshqir të butë. Sigurohuni që ta thani pjesën nën palosjet e lëkurës dhe prapa veshëve të tij/saj.

Foshnja juaj mund të shqetësohet kur përpiqeni t’ia pastroni fytyrën e tij/saj. Duke folur butësisht me të ose duke kënduar një këngë mund të shkojë lehtë.

Foshnjat e porsalindura shpesh kanë frymëmarrje të rënduar kur janë të mbistimuluar ose të lodhur. Kjo është për shkak se ata/ato kanë kanale shumë të ngushta të hundës. Nëse vëreni se foshnja juaj e porsalindur teshtin shumë, mos u shqetësoni. Kjo është normale dhe e ndihmon atë të heqë qafe mukozën nga hunda e tij/saj.