Ndryshimet në vendin e pickimeve nga insektet dhe reaksionet alergjike - si t’i njihni ato?

Ndryshimet dhe reaksionet që ndodhin si pasojë e insekteve zakonisht manifestohen si ndryshime në vendin e pickimit dhe si reaksione që ndikojnë në të gjithë trupin e fëmijës.

Ndryshimet në vendin e pickimit më shpesh shfaqen si:

Parehati
Skuqje
Dhembje
Enjtje
Kruarje
Nxehtësi
Shfaqje e një sasie të vogël gjaku

Pas shfaqjes së ndryshimeve të lokalizuara, është e nevojshme të vëzhgohet nga afër gjendja e përgjithshme e fëmijës në orët në vazhdim, në mënyrë që të zbulohet me kohë fillimi i mundshëm i një reaksioni alergjik serioz.

Ndryshimet dhe reagimet ndaj pickimit të insekteve në raste të rënda mund të ndikojnë në të gjithë trupin e fëmijës. Nëse ndodh kjo gjendje, kjo mund të jetë shenjë e një reaksioni alergjik të rëndë dhe kërcënues për jetën, prandaj kërkon ndërhyrje urgjente mjekësore. Disa nga simptomat dhe shenjat më të zakonshme të një reaksioni të rëndë alergjik janë:

Kruajtja dhe skuqja në të gjithë trupin, duke përfshirë edhe vende larg vendit të pickimit
Urtikarie të kuqe në lëkurë
Enjtja e fytyrës, buzëve, qepallave ose gjuhës
Kruarje e fytit
Shtrëngim i fytit ose i kraharorit
Kollë
Frymëmarrje të shkurtra, vështirësi në frymëmarrje dhe gulçim
Të vjella, krampe abdominale, diarre
Marrje mendsh dhe humbje e vetëdijes
Pulsi i dobët
Rënia e tensionit të gjakut
Lëkura e zbehtë
Djersitje
Tensionim

Nëse vëreni ndonjë nga këto shenja dhe simptoma te fëmija, telefononi menjëherë shërbimin mjekësor të urgjencës (127) dhe nëse rrethanat janë të tilla që mund të shkoni te mjeku më shpejt, rregulloni transportimin e fëmijës në entin më të afërt shëndetësor (klinikë, qendër shëndetësore, spital), duke siguruar masat e reanimimit kardiopulmonar gjatë transportit, nëse është e nevojshme.