Pirja e duhanit është e dëmshme për shëndetin

Pirja e duhanit është e dëmshme për shëndetin

Duhani përmban deri në disa mijëra lëndë kimike. Qindra prej tyre janë shumë toksike për trupin e njeriut, dhe të paktën 70 substanca prej tyre hyjnë në kategorinë e kancerogjenëve.

Në mënyrë të veçantë, përmenden TRI PËRBËRËSIT kryesorë të përmbajtjes së duhanit:

1. Nikotina – që vepron në tru vetëm pas disa sekondash. Ndikon në rritjen e tensionit të gjakut dhe përshpejton rrahjet e zemrës. Është për t'u ‘fajësuar’ për varësinë e fortë që krijon ndaj duhanit!

2. Monoksidi i karbonit –  zë vendin e oksigjenit në transportin nëpërmjet gjakut, duke zvogëluar sasinë e oksigjenit, i cili është i nevojshëm për funksionimin normal të indeve dhe të organeve tona.

3. Katrani – ngushton rrugët e vogla të frymëmarrjes në mushkëri dhe pengon më tej furnizimin me oksigjen. Përveç kësaj, ai depozitohet në bronke dhe me kalimin e kohës shkakton "kollën e duhanpirësit“ dhe lehtëson zhvillimin e mjaft infeksioneve në mushkëri.

Duke pasur parasysh çfarë u tha më sipër, pirja e duhanit është një shkaktar madhor për:

• kancerin e mushkërive,
• sëmundjen ishemike të zemrës,
• sëmundjen pulmonare obstruktive kronike.

Përveç kësaj, ajo kontribuon në masë të madhe në shfaqjen e:

• arteriosklerozës,
• aksidentet cerebrovaskulare, duke përfshirë edhe hemorragjinë cerebrale,
• mbi 20 llojeve dhe nëntipeve të sëmundjeve malinje (goja, laringu, ezofagu, stomaku, fshikëza, cerviksi),
• sëmundjeve akute të frymëmarrjes,
• astmës (si dhe përkeqësim të saj!).

Pirja e duhanit gjithashtu ndikon në përkeqësimin e potencialit riprodhues, d.m.th. çon në vështirësi të ngjizjes së fëmijës.

Mbi 8 milionë njerëz vdesin çdo vit nga pasojat e pirjes së duhanit.