Абараніце сваё дзіця ад камароў

Самае галоўнае — зберагчы дзіця ад укусаў камароў.

Калі вашы дзеці знаходзяцца на вуліцы, апранайце іх у адзенне больш светлых адценняў, доўгія штаны, шкарпэткі, футболкі з доўгімі рукавамі.

Усталюйце маскітныя сеткі на вокны і дзверы, дзіцячы ложачак і каляску.

У наш час выбар прэпаратаў, якія абараняюць ад укусаў камароў (рэпеленты), досыць вялікі. Набываючы сродак, заўсёды ўлічвайце наступныя фактары: узроставыя абмежаванні па выкарыстанні; тэрмін прыдатнасці. Уважліва вывучыце інструкцыю: як правіла, такія прэпараты можна наносіць не на ўсё цела, трэба таксама пазбягаць іх пападання на пашкоджаную і раздражнёную скуру.

Рэпеленты выпускаюцца ў форме спрэяў, шарыкаў, геляў, вільготных сурвэтак; яны бываюць розных памераў, што зручна для падарожжаў, і іх добра заўсёды мець пад рукой. Лепш за ўсё набываць правераныя і зарэгістраваныя прэпараты.

Вы таксама можаце выкарыстоўваць сродкі ад камароў. Некаторыя з іх падключаюцца да разеткі, а іншыя партатыўныя (працуюць ад батарэек) і могуць быць прымацаваныя да дзіцячай каляскі, адзення, сумкі.

Пазбягайце знаходжання на прыродзе без рэкамендаванай абароны ў перыяд найбольшай актыўнасці камароў, у вячэрні час, каля рэк, азёр, травяністых і лясных участкаў.

Пасля ўкусу лепш за ўсё накласці халодны кампрэс на некалькі хвілін (падыдуць насоўка, марля або ручнік, змочаныя ў халоднай вадзе, або астуджаная бутэлька з вадой), а затым прымяніць прэпарат, які валодае заспакаяльнымі ўласцівасцямі і здымае сверб.