Апёкі ў дзяцей і як іх прадухіліць — агульныя меры

Забяспечце бяспеку ў сябе дома

• У разеткі неабходна ўстанавіць ахоўныя заглушкі, каб дзеці не маглі засунуць туды пальцы або прадметы (такія заглушкі прадаюцца ў магазінах электратавараў).
• Устанавіце спецыяльныя ахоўныя экраны на адкрытыя крыніцы цяпла (электрычныя абагравальнікі, камін і г. д.).
• Прыбярыце і схавайце ўсе прадметы бытавой хіміі (мыйныя сродкі і г. д.) у недаступныя для дзяцей месцы — яны не толькі таксічныя, але і могуць выклікаць сур'ёзныя апёкі скуры і вачэй.
• Запалкі, запальнічкі і іншыя сродкі для развядзення агню неабходна захоўваць у недаступным для дзяцей месцы.

Засцеражыце свой дом ад пажару

• Устанавіце і падтрымлівайце ў спраўным стане пажарныя апавяшчальнікі — яны павінны быць ва ўсіх памяшканнях кватэры ці дома. Правярайце іх раз на месяц, каб пераканацца, што яны працуюць. Па магчымасці выкарыстоўвайце батарэйкі з працяглым тэрмінам службы.
• Рэгулярна правярайце спраўнасць электраабсталявання і ацяпляльных прыбораў у сябе дома.
• Ізалюйце кожны провад.
• Перад выхадам з дому пераканайцеся, што вы выключылі пліту/прас/іншыя электрапрыборы.
• Фіранкі і іншыя лёгкія прадметы, якія хутка ўзгараюцца, не павінны знаходзіцца побач з крыніцамі цяпла.
• Сачыце за тым, каб вогнетушыцель у доме/кватэры быў у працоўным стане.
• Складзіце план эвакуацыі на выпадак пажару, і няхай вашыя дзеці таксама прымуць удзел у яго складанні, таму што так яны лепш за ўсё запомняць, што ім неабходна рабіць. Раскажыце дзецям паслядоўнасць неабходных у выпадку пажару дзеянняў.
• Дзеці павінны ведаць НУМАР ТЭЛЕФОНА ДЛЯ ВЫКЛІКУ ПАЖАРНАЙ СЛУЖБЫ — 101!