Боўлінг з бутэлек

Што спатрэбіцца:  пластыкавыя бутэлькі, крэйда, мяккі мяч.

У чым заключаецца гульня.

1. Расстаўце пластыкавыя бутэлькі на гульнявой пляцоўцы ў выпадковым парадку на адлегласці прыкладна пяць метраў адна ад адной.
2. Крэйдай абвядзіце кожную бутэльку ў вялікі круг.
3. Выберыце вядучага, які будзе першым выбіваць бутэлькі. Астатнія ігракі становяцца абаронцамі — кожны павінен выбраць сабе круг. Адной нагой абаронцы павінны стаяць у сваім крузе, а другой — адбіваць мяч, каб ён не трапіў па іх бутэльцы.
4. Той, хто выбівае бутэлькі, становіцца прыкладна за два-тры метры ад кругоў і кладзе мяч на зямлю. Затым ён б’е па мячы нагой, цэлячыся ў адну з бутэлек. Калі вядучаму ўдаецца ў яе патрапіць, ён мяняецца месцамі з абаронцам. 

Гэтую гульню лепш праводзіць на роўнай паверхні гульнявой пляцоўкі ці на асфальце ў парку.

Чым карысная гульня. Уся гульня з’яўляецца ідэальнай адпрацоўкай ключавых навыкаў развіцця (ад кагнітыўных да сацыяльных і рухальных) і дапамагае дзецям здабыць упэўненасць пры пераходзе да камандных рухомых гульняў.

Гэтая незвычайная і вельмі энергічная гульня уяўляе сабой сумесь боўлінга і футбола! Дзецям спадабаецца разам абмяркоўваць расстаноўку бутэлек, маляваць мелам кругі, перш чым пачаць катаць мяч.