Дзіця-веласіпедыст

Язда на веласіпедзе – адзін з самых здаровых спосабаў перамяшчэння. Гэта экалагічны і даступны від адпачынку, у якім вы не павінны адмаўляць свайму дзіцяці, нават калі вы не з’яўляецеся яго фанатам ці не ўмееце катацца на веласіпедзе самі. Адказны і добрасумленны ўдзел у дарожным руху, спраўнасць веласіпеда, выкарыстанне сродкаў абароны (шлем), а таксама рух у спецыяльна адведзеных месцах (веласіпедныя дарожкі) з’яўляюцца асновай бяспечнай язды на веласіпедзе.

Навучыце дзіця катацца на веласіпедзе

Навучанне яздзе на веласіпедзе павінна адпавядаць жаданню і рухальным здольнасцям дзіцяці.

Веласіпед дзіцяці павінен быць спраўны, каб зрабіць язду на ім максімальна бяспечнай. Для гэтага неабходна прытрымлівацца некалькіх абавязковых умоў і правіл:

1. Веласіпед павінен адпавядаць узросту і росту дзіцяці.

2. Рэгулярна правярайце спраўнасць дзіцячага веласіпеда, калі неабходна – у спецыяльных майстэрнях.

3. Перад паездкай неабходна праверыць і пераканацца ў:

  • спраўнасці тармазоў і сігналу;
  • цэласнасці і напампаванасці колаў (шын);
  • наяўнасці адбівальнікаў, пярэдніх і задніх ліхтароў для язды ў цёмны час сутак.

4. Дзіця павінна выкарыстоўваць ахоўную амуніцыю і веласіпедны шлем адпаведнага памеру.

5. Дзіця павінна ездзіць на веласіпедзе толькі там, дзе гэта бяспечна, напрыклад, на дзіцячай пляцоўцы ў малодшым узросце або па веласіпедных дарожках у старэйшым узросце.

6. Дзіцяці да 12 гадоў забаронена ездзіць на веласіпедзе па праезнай частцы і веласіпедных дарожках агульнага карыстання.

7. Веласіпедыст, старэйшы за 18 гадоў, можа перавозіць на веласіпедзе дзіця да васьмі гадоў, калі на веласіпедзе ўстаноўлена і надзейна замацавана спецыяльнае сядзенне, якое адпавядае росту дзіцяці.