Каб дзеці менш падалі

Зрабіце свой дом бяспечным

• Прыбярыце ці замацуйце прадметы мэблі, якія можна лёгка перакуліць ці перавярнуць.
• Прыбярыце слізкія дыванкі і дарожкі.
• У ніжняй і верхняй частках лесвіцы ўсталюйце вароты з зашчэпкай, якую маленькае дзіця не зможа адкрыць.
• Усталюйце на лесвіцы парэнчы або ручкі, за якія дзіця магло б трымацца.
• На лесвіцы не павінна быць перашкод.
• Усталюйце ахоўныя фіксатары/замкі на вокны і дзверы, якія вядуць на тэрасу/балкон, каб абмежаваць іх адкрыццё, або ўсталюйце спецыяльныя ахоўныя планкі.
• Мэблю, на якую можа залезці дзіця (ложкі, крэслы і г. д.), ніколі не трэба размяшчаць пад акном ці побач з ім.
• Трымайце балконныя дзверы зачыненымі — дзіця не павінна знаходзіцца на балконе без нагляду.
• Адразу пасля выкарыстання прыбірайце лесвіцу ў недаступнае для дзяцей месца.
• Пакладзіце неслізготныя дыванкі на плітку ў ванным пакоі, а таксама ў ванну/душ.

Асаблівая ўвага: немаўляты і малыя дзеці

• Ніколі не пакідайце дзіця на спавівальным століку без нагляду!
• Калі вы выкарыстоўваеце калыску, пераканайцеся, што яе апора дастаткова ўстойлівая.
• Ложак павінен быць дастатковай глыбіні і мець агароджу. Глыбіня ложачка павінна быць не меншая за 60 см (ад верхняга краю матраца да верхняй часткі агароджы), каб дзіця не выпала з яго.
• Па баках ложачка не павінна быць перакладзін, на якія магло б залезці маленькае дзіця.
• Падчас выкарыстання дзіцячага крэсла для кармлення і каляскі правярайце, каб дзіця заўсёды было прышпілена рамянямі.
• Пазбягайце выкарыстання хадункоў!

Бяспека падчас дзіцячых гульняў

• Пераканайцеся, што дзіцячая пляцоўка бяспечная — арэлі надзейна замацаваны, з іх не тырчаць цвікі і г. д.
• Прыбірайце з дзіцячай пляцоўкі ўсё, аб што дзіця можа спатыкнуцца — камяні, палкі і г. д.
• Упэўніцеся, што вашыя дзеці выкарыстоўваюць гульнявое абсталяванне згодна з узростам і здольнасцямі.
• Па магчымасці выбірайце дзіцячую пляцоўку з больш мяккія пакрыццём.
• Падчас заняткаў спортам дзіця павінна насіць адпаведную ахоўную амуніцыю (пры яздзе на веласіпедзе на галаве дзіцяці павінен быць шлем, а пры катанні на ролікавых каньках неабходна выкарыстоўваць адпаведную абарону для рук і ног).