Каракулі

Што спатрэбіцца:  аловак ці ручка, папера.

У чым заключаецца гульня. Папрасіце першага іграка намаляваць з заплюшчанымі вачамі крамзолі. Растлумачце, што не трэба маляваць нічога канкрэтнага, неабходна проста вадзіць алоўкам, каб атрымліваліся, напрыклад, лініі, нейкія формы ці завіткі. Як толькі першы ігрок закончыць, папрасіце яго перадаць накід наступнаму. Яго задача — ператварыць малюнак у нешта вядомае. Гэта можа быць трактар, іншапланецянін, статак дыназаўраў — усё, што прыйдзе ў галаву. Пасля іншыя ігракі могуць паспрабаваць адгадаць, што ж атрымалася.

Калі ў вас вялікая група дзяцей, можна падзяліць іх на пары, каб яны па чарзе малявалі крамзолі.

Дзецям спадабаецца свабода малявання, а канчатковы вынік абавязкова выкліча смех.

Чым карысная гульня. Маляванне дапамагае развіваць творчыя здольнасці. Пры гэтым мозг дзіцяці знаходзіцца адначасова ў трох рэжымах навучання: візуальным, кінестэтычным і слыхавым.