Кармленне грудзьмі пры цяжкім ходзе COVID-19
Грудное малако ўтрымлівае антыцелы, якія даюць немаўлятам імпульс для здаровага развіцця і абараняюць іх ад мноства інфекцый. Антыцелы і біяактыўныя фактары, якія ўтрымліваюцца ў грудным малаку, могуць змагацца з COVID-19, калі дзіця падвергнулася ўздзеянню гэтай інфекцыі. Каранавірус не выяўлены ў грудным малаку, адпаведна рызыка яго перадачы пры грудным выкормліванні не пацверджана.
Калі маці цяжка пераносіць COVID-19 ці ў яе маюцца іншыя праблемы са здароўем, з-за якіх яна не можа клапаціцца пра дзіця або працягваць карміць грудзьмі непасрэдна, ёй трэба сцэджваць малако і даваць яго дзіцяці, выконваючы гігіену і адпаведныя меры засцярогі.
- Перад сцэджваннем малака рукамі або з дапамогай ручнога ці электрычнага малакаадсоса ці перш чым дакрануцца да якіх-небудзь частак малакаадсоса ці бутэлечкі для кармлення, трэба вымыць рукі; пасля кожнага выкарыстання малакаадсос неабходна старанна мыць.
- Давайце дзіцяці сцэджанае грудное малако з чыстага кубка і/або лыжкі. Лепш, калі гэта будзе рабіць чалавек, у якога няма прыкмет або сімптомаў хваробы.
Калі самаадчуванне маці не дазваляе карміць дзіця грудзьмі і сцэджваць грудное малако, а донарскае грудное малако недаступна, можна выкарыстоўваць замяняльнік жаночага малака. Гэта можа быць: гатовая сумесь для дзіцячага харчавання, калі немаўляці менш за 6 месяцаў; дзіцячая сумесь і прыкорм, калі дзіцяці ад 6 да 12 месяцаў; малако, якое прайшло пастэрызацыю пры ультравысокіх тэмпературах, калі дзіцяці ўжо ёсць 12 месяцаў.
