Картачная гульня «Свіння»

Што спатрэбіцца: ігральныя карты.

У чым заключаецца гульня. Дзеці садзяцца ў кола на падлозе ці за сталом. Вазьміце з калоды па чатыры карты аднолькавай вартасці па колькасці ігракоў і ператасуйце іх. Затым раздайце кожнаму іграку па чатыры карты.

Мэта гульні — сабраць чатыры аднолькавыя карты і, як толькі гэта зроблена, тут жа прыкласці палец да носа, як да пятачка!

Да пачатку гульні дзеці павінны паглядзець на свае карты і размясціць іх так, як яны хочуць. Няхай падумаюць, якія «чацвёркі» яны будуць збіраць. Каб пачаць гульню, кожны ўдзельнік кладзе карту, якая яму не патрэбна, кашуляй уверх на стол ці падлогу і пасоўвае яе да іграка злева ад сябе. Усе ігракі адначасова бяруць перададзеную карту, перш чым пакласці і перадаць наступную.

Паспрабуйце перадаваць карты як мага хутчэй — гэта сапраўды будзе вельмі весела! Як варыянт, можна задаць рытм: «глядзім — перадаём — бяром — глядзім — перадаём — бяром — глядзім — перадаём — бяром...».

Як толькі ў іграка атрымліваецца сабраць чатыры аднолькавыя карты, ён хутка і непрыкметна прыкладвае палец да носа. Астатнія ігракі павінны зрабіць тое ж самае, як толькі заўважаць. Той, хто заўважыў апошнім, выбывае, а астатнія ўдзельнікі пачынаюць наступны раўнд.

Гульня заканчваецца, калі застаюцца толькі два ігракі — яны становяцца пераможцамі!

Калі ўдзельнікаў нямнога, то можна не адразу выдаляць іграка з гульні, а «даваць» кожнаму, хто апошнім прыклаў палец да носа, па адной літары за раўнд — «с», «в», «і», «н», «н», «я». Гульня заканчваецца, калі хтосьці збярэ ўсе літары і стане «свіннёй».

Чым карысная гульня. Гэтая дынамічная картачная гульня выдатна падыходзіць для развіцця зрокава-маторнай каардынацыі і навыкаў канцэнтрацыі. Яна прынясе масу задавальнення і весялосці дзецям любога ўзросту!