Кідаем прадметы

Што спатрэбіцца:  скрынка (вядро, тазік ці іншая ёмістасць); прадметы рознага памеру.

У чым заключаецца гульня. Перад пачаткам абавязкова падрыхтуйце месца для гульні. Памятайце, што яно павінна быць камфортным і бяспечным. Пасадзіце дзіця ў крэселка або на падлогу на мяккі дыванок ці коўдру.

Спачатку дайце дзіцяці прадметы, каб яно магло даследаваць іх усе. Затым пакажыце, што можна кідаць іх у скрынку (ці ў іншую ёмістасць).

Калі нейкі прадмет выскачыць са скрынкі, прадэманструйце сваё здзіўленне — дзіця ўбачыць, што гэта таксама цікава.

Чым карысная гульня. Ваша дзіця вучыцца распазнаваць розныя прадметы, калі бярэ іх у рукі і кідае ў скрынку. Таксама дзякуючы гэтаму практыкаванню ў дзіцяці развіваецца зрокава-маторная каардынацыя.