Масаж

Што спатрэбіцца: крэм або масла для цела (па жаданні).

Падрыхтуйце роўную пругкую паверхню, пераканайцеся, што яна ўстойлівая і бяспечная.

У чым заключаецца гульня. Пакладзіце дзіця на пакрывала/мяккую пялёнку, каб яму было зручна.

Разагрэйце рукі (можна расцерці іх).

Выкарыстоўваць крэм або масла для цела неабавязкова.

Пачынайце масаж агульным пагладжваннем дзіцяці ў напрамку ад ног да галавы.

Ногі:

Вазьміце адну з ножак, памасіруйце яе ад шчыкалаткі да пальцаў, затым некалькі разоў павярніце направа–налева. Тое ж самае паўтарыце з другой ножкай.

Ступні:

Вялікімі пальцамі праводзьце кругі па ступні дзіцяці. Памяняйце ножкі і паўтарыце.

Пальцы ног:

Каб скончыць масаж ступняў, вазьміце кожную з іх вялікім і ўказальным пальцамі і асцярожна пацягніце за пальцы ног дзіцяці, пакуль з іх не саслізнуць вашы пальцы. Зрабіце гэта з кожным з 10 пальцаў ног вашага дзіцяці.

Чаму пры гэтым вучыцца дзіця. Даследаванні пацвярджаюць, што масаж можа мець разнастайныя станоўчыя эфекты для здароўя дзіцяці. Ён паляпшае ўзаемадзеянне паміж дзіцем і тым з бацькоў, хто яго робіць, дапамагае дзіцяці расслабіцца, зніжаючы ўзровень гармонаў стрэсу, дзіця становіцца менш плаксівым.