Мяч у карзіне

Што спатрэбіцца: адзін невялікі мячык (можна выкарыстаць і тоўстую шкарпэтку, скручаную ў шар); вялікая каробка (можна замяніць тазікам ці вялікай карзінай).

У чым заключаецца гульня. Пастаўце каробку (ці карзіну) у цэнтры пакоя, самі адыдзіце на невялікую адлегласць ад яе. Каб прыцягнуць увагу дзіцяці, можаце першымі кінуць мяч у скрыню. Дэманструйце, што вам весела і цікава. Каб было лягчэй пападаць, можна падысці бліжэй. Калі дзіця зацікавіцца, дайце яму магчымасць кінуць самому. У гэтым узросце некаторым дзецям можа быць складана трапіць у каробку, але нават калі ў іх не атрымліваецца закідваць мяч, каштоўнасць і задавальненне ад гэтага занятку заключаецца ў адпрацоўцы кідальнага руху. Падбадзёрвайце дзіця пры кожным яго кідку словамі, усмешкай, апладысментамі і воклічамі. Паспрабуйце кідаць па чарзе (тлумачце: «Мая чарга! Цяпер твая чарга!» і прагаворвайце, што вы робіце: «Выдатны кідок!» або «О, у цябе мяч папаў на канапу, бяжы за ім!») і падтрымлівайце дзіця пры кожным яго кідку незалежна ад поспеху.

Чаму пры гэтым вучыцца дзіця. Ваша дзіця развівае буйную маторыку і каардынацыю рухаў. Гуляючы з вамі, яно таксама вучыцца разумець, што значыць рабіць нешта па чарзе.