Мяняем падгузнікі з песняй

Што спатрэбіцца: столік для спавівання, падгузнік, дзіцячы крэм (тальк).

У чым заключаецца гульня. Адзін з лепшых спосабаў зносін з дзіцем — гэта песні і вершыкі. З іх дапамогай лягчэй наладжваць сувязь, яны ўмацоўваюць вашу прыхільнасць адзін да аднаго.

Падрыхтуйце ўсё неабходнае для змены падгузніка і пераканайцеся, што на століку для спавівання няма небяспечных прадметаў.

Пакладзіце дзіця на спіну на спавівальны столік і пачніце працэс змены падгузніка. У гэты момант напявайце дзіцячую песеньку. Можна выкарыстоўваць што-небудзь накшталт:

Што тут на пялёнцы?

Месяцы і сонцы,

Кветачкі і птушкі

Для маёй дачушкі.

Або:

Я сыночка спавіваю,

Ціха песеньку спяваю.

Будзь вясёлым, будзь шчаслівым

І здаровым, як асілак.

Гэты паўсядзённы занятак можна зрабіць больш разнастайным, чытаючы вершыкі, размаўляючы з дзіцем або напяваючы пацешную песеньку.

Чаму пры гэтым вучыцца дзіця. Калі вы спяваеце яму, гэта спрыяе наладжванню больш цеснай сувязі паміж вамі; у той жа час гэта дапамагае дзіцяці развіваць слых, маўленне і сацыяльнае ўзаемадзеянне.