Не давайце засумаваць дзіцяці

Што спатрэбіцца: звычайныя прадметы або цацкі, якія больш за ўсё падабаюцца вашаму дзіцяці.

У чым заключаецца гульня. У гэтым узросце ваша дзіця не можа сказаць: «Мне сумна» або «Мне гэта падабаецца, калі ласка, не спыняйся!». Назіраючы за тым, як паводзіць сябе ваша дзіця, вы можаце зразумець, ці гатова яно зараз звярнуць увагу на што-небудзь ці заняцца чымсьці іншым. Прыкметай страты цікавасці да занятку, якім яшчэ пару хвілін таму яно было захоплена, можа быць тое, што дзіця пачынае хвалявацца або адварочвацца. Ці, магчыма, проста трэба змяніць абстаноўку або становішча.

Спрабуйце розныя падыходы, каб падтрымліваць узровень цікавасці, увагі і задаволенасці вашага дзіцяці. Вы ведаеце сваё дзіця лепш за ўсіх. Можа быць, зараз яго больш за ўсё зацікавіць які-небудзь новы прадмет, які трэба трымаць у руках? Ці варта ўзяць дзіця на рукі, крыху прагуляцца і агледзець іншыя часткі пакоя? Ці, магчыма, яно правяло досыць многа часу на жывоціку і хоча паляжаць на спіне і паразглядаць нешта над сабой і вакол сябе?

Вам не трэба рабіць нешта новае кожную хвіліну, проста звяртайце ўвагу на сігналы вашага дзіцяці і ўносьце простыя змены, калі для таго, каб яно заставалася задаволеным і зацікаўленым, яму цяпер трэба крыху больш ці, наадварот, крыху менш стымулаў.

Чаму пры гэтым вучыцца дзіця. Ваша дзіця можа па-рознаму паведамляць вам, што яму трэба, яшчэ да таго, як яно зможа рухацца ці гаварыць. Проста змена прадметаў, на якія яно можа глядзець ці якія яно можа трымаць, або невялікія змены ў становішчы вашага дзіцяці адкрыюць вам новыя магчымасці для навучання. З часам вы зразумееце, што лепш за ўсё працуе ў выпадку вашага дзіцяці і дае яму магчымасць вучыцца.