Зніжэнне рызыкі РСН і СРСН: у малюнках

Бяспечны сон: укладвайце дзяцей спаць на спіну

Укладвайце дзіця спаць на спіну. Гэта зніжае рызыку раптоўнай смерці немаўляці (РСН), у тым ліку і сіндрому раптоўнай смерці немаўляці (СРСН) і няшчасных выпадкаў, якія могуць прывесці да смерці ў сне.

Не ўкладвайце дзіця спаць на жывоцік. Дзеці, якія спяць на жываце, падвяргаюцца большай небяспецы РСН.

Не ўкладвайце дзіця спаць на бок. Дзеці, якія спяць на баку, падвяргаюцца большай небяспецы РСН.

 Бяспечнае месца для сну

Выкарыстоўвайце плоскі, цвёрды матрац, які сапраўды падыходзіць пад памер дзіцячага ложачка. Укладвайце дзіця ножкамі да ніжняй часткі ложачка і шчыльна запраўляйце прасціны. Пакіньце ложачак у сваім пакоі на першыя 6–12 месяцаў.

Не выкарыстоўвайце ласкутныя, падшываныя, ваўняныя коўдры, падушкі, мяккія цацкі, мяккія борцікі — усё, што можа накрыць галаву вашага дзіцяці. Не пакідайце яго спаць на канапе ці ў крэсле.

Зніжэнне рызыкі РСН: карміце грудзьмі, пазбягайце перагрэву, не курыце

Па магчымасці карміце дзіця грудзьмі або сцэджаным грудным малаком на працягу першых шасці месяцаў жыцця. Грудное выкормліванне зніжае небяспеку РСН.

Не апранайце на дзіця замнога адзення. Не накрывайце твар і галаву дзіцяці. Перагрэў небяспечны і можа пацягнуць за сабой РСН.

Не курыце ​​падчас цяжарнасці ці пры знаходжанні побач з дзіцем. Дым небяспечны для дзіцяці і можа справакаваць РСН. Калі вы не можаце кінуць курыць, звярніцеся па дапамогу.