Балючыя адчуванні ў перыяды імклівага росту

Аб балючых адчуваннях у перыяды імклівага росту ў дзяцей і падлеткаў

Балючыя адчуванні з’яўляюцца даволі распаўсюджанай з’явай, асабліва ў дзяцей малодшага школьнага ўзросту.

Прычына іх дакладна не вядома, але яны не выкліканы самім ростам!

У большасці дзяцей, у якіх фіксаваліся балючыя адчуванні, не было выяўлена відавочнай прычыны для іх узнікнення.

Адна з тэорый заключаецца ў тым, што яны звязаны з фізічнай актыўнасцю, але гэта не заўсёды так.

У некаторых выпадках балючыя адчуванні ў перыяды імклівага росту могуць суправаджацца галаўным болем і болем у жываце. Гэта можа сведчыць пра сувязь балючых адчуванняў са стрэсам ці трывогай.

Сімптомы балючых адчуванняў у перыяды імклівага росту

Звярніце ўвагу, калі дзіця скардзіцца на балючыя адчуванні або пякоту ў абедзвюх нагах — у мышцах сцёгнаў, лытках або ступнях. Болі таксама могуць узнікаць у руках або іншых частках цела, хоць такое сустракаецца значна радзей.

Балючыя адчуванні ў перыяды імклівага росту часцей узнікаюць у начны час, бывае, што дзіця можа прачынацца з-за іх. Яны з’яўляюцца распаўсюджанай з’явай і днём, але рэдка бываюць настолькі моцнымі, каб перашкаджаць паўсядзённаму жыццю.

У большасці выпадкаў боль ці дыскамфорт праходзяць. Цяжка прадказаць, калі гэтыя адчуванні ўзнікнуць.

Балючыя адчуванні ў перыяды імклівага росту звычайна памяншаюцца, калі памасажаваць балючае месца. Гэта дапаможа адрозніць такія адчуванні ад больш сур’ёзнага захворвання. У выпадку, калі боль у нагах выкліканы больш сур’ёзнай прычынай, дзіця не дазваляе нікому дакранацца да балючага месца.

Ці патрэбен дзіцяці агляд педыятра пры балючых адчуваннях у перыяды імклівага росту?

Так. Вызначыць, што з’яўляецца прычынай болю — стан балючых адчуванняў у перыяды імклівага росту або больш сур’ёзнае захворванне, напрыклад інфекцыя, запаленне ці ў рэдкіх выпадках пухліна косці ці мышцы, — вельмі цяжка без кансультацыі спецыяліста.

Калі боль не праходзіць хутка, трэба звярнуцца да педыятра, каб пераканацца ў адсутнасці сур’ёзнага захворвання.

Асабліва важна звярнуцца да ўрача, калі:

• болі вострыя і не праходзяць;
• дзіця кульгае;
• частка цела, якая баліць, адчувальная да дакрананняў, яна гарачая або апухлая.

Дыягнастычныя даследаванні ў выпадку балючых адчуванняў у перыяды імклівага росту

Педыятр можа прызначыць рэнтген або аналіз крыві, каб пераканацца, што для болю няма іншай прычыны, напрыклад пералому ці запалення.

Лячэнне ў выпадку балючых адчуванняў у перыяды імклівага росту

Спецыфічнага лячэння не існуе. Раскажыце дзіцяці, што так часам здараецца, але гэта не страшна, не небяспечна і абавязкова пройдзе.

Памасажуйце балючы ўчастак або накладзіце на яго сагравальны кампрэс. Таксама рэкамендуецца перад сном выконваць практыкаванні на расцяжку мышцаў. Удакладніце ў педыятра, ці можна даваць дзіцяці простае абязбольваючае, напрыклад парацэтамол, каб суняць боль.

Не трэба забараняць дзіцяці займацца фізічнымі практыкаваннямі.

Звычайна балючыя адчуванні ў перыяды імклівага росту з часам самастойна праходзяць.

Прафілактыка балючых адчуванняў

Прафілактыкі балючых адчуванняў у перыяды імклівага росту няма, аднак можна памяншаць сімптаматычныя праявы.