Паўтараем за мамай і татам

Што спатрэбіцца: добры настрой!

У чым заключаецца гульня. Гэты занятак падыходзіць для любой сітуацыі ці абставін. Усё, што трэба, — проста зручна размясціць (пакласці або пасадзіць) дзіця тварам да сябе.

Калі ўвага вашага дзіцяці будзе звернута на вас, стройце міны, утварайце розныя гукі. Дачакайцеся рэакцыі дзіцяці.

Можна зрабіць наступнае:

1. Праспявайце дзіцяці песеньку, рухаючы ротам як мага больш актыўна.

2. Міргайце як мага мацней.

3. Высуньце язык.

4. Стройце міны.

5. Утварайце гукі, сціскаючы вусны. Кашляйце, пазяхайце.

Чым карысная гульня. З дапамогай гэтага практыкавання ваша дзіця навучыцца адрозніваць рысы твару, што стымулюе развіццё зроку і слыху. Гэты занятак дазваляе камфортна і весела спазнаваць свет.