Пляскаем у ладкі

Што спатрэбіцца: добры настрой.

У чым заключаецца гульня. Простая паслядоўнасць дзеянняў:

1. Пакажыце дзіцяці, як вы пляскаеце ў ладкі. Суправаджайце дзеянне смехам ці простымі вершыкамі, напрыклад, са словамі з «Ладачак», каб гэта гульня асацыіравалася ў дзіцяці з весялосцю.

2. Вазьміце далонькі дзіцяці ў свае рукі і навучыце пляскаць, акуратна і павольна паўтараючы рухі. Занадта хуткі рух рукамі можа напалохаць дзіця. Вучыце павольна і далікатна.

3. Пасля таго, як дзіця прывыкне да гэтага руху, паказвайце розны рытм (3 павольныя воплескі, 3 хуткія воплескі, 3 павольныя воплескі). Паспрабуйце пляскаць у ладкі пад розныя мелодыі, рыфму ці словы.

4. Спалучайце гэты занятак з іншымі. Пляскайце ў ладкі, гуляючы з цацкамі або спяваючы дзіцячыя песенькі. Пачніце з некалькіх хуткіх воплескаў праз роўныя прамежкі часу і паглядзіце, ці ўлоўлівае дзіця гэтую паслядоўнасць і ці спрабуе паўтараць за вамі.

Пляскаць у ладкі любяць дзеці ва ўзросце ад 6 месяцаў і старэйшыя.

Чым карысная гульня. Калі вы вучыце дзяцей пляскаць у ладкі, гуляючы разам, вы дапамагаеце ім навучыцца паўтараць за вамі і даведвацца пра гукавыя і рытмічныя заканамернасці.