Што рабіць, калі траўма здарылася ў дарозе
У такіх сітуацыях вельмі важна захоўваць спакой і стрыманасць, а таксама адказна падыходзіць да аказання дапамогі і абароны дзіцяці. Важна падтрымліваць кантакт і ўвесь час размаўляць з дзіцем, запэўніць яго, што яно пад абаронай і што дапамога ўжо побач.
Body
- Кантралюйце месца здарэння, пакуль не прыедзе хуткая дапамога.
- Прыбярыце ўсіх людзей, якія перашкаджаюць аказанню дапамогі (асобы ў стане алкагольнага ап’янення, асобы, якія ствараюць паніку).
- Ацаніце бяспеку месца. Калі дзіця ў небяспецы, занясіце яго ў бяспечнае месца.
- Каб бяспечна перамясціць дзіця, неабходна некалькі чалавек, бо існуе магчымасць траўмы пазваночніка.
- Пры любых сур’ёзных траўмах у дзіцяці трэба мець на ўвазе, што пазваночнік таксама можа быць пашкоджаны. Пра магчымыя траўмы пазваночніка сведчаць: боль у спіне ў стане спакою ці падчас руху, бачная дэфармацыя і прыпухласць, дзіцяці цяжка рухаць шыяй ці спіной, у яго параліч, здранцвенне, адчуванне «паколвання».
- Выклічце хуткую дапамогу па тэлефоне 103.
- Не мяняйце позу дзіцяці.
- Накрыйце яго лёгкай коўдрай ці адзеннем.
- Пакуль не прыбудзе дапамога, трымайце дзіця за руку і ўвесь час гаварыце з ім спакойным тонам.
Чаго не трэба рабіць
Не перамяшчайце дзіця, калі толькі яно не знаходзіцца ў небяспечным месцы.
