Што ты выбераш?

Што спатрэбіцца: добры настрой.

У чым заключаецца гульня. У гэтым практыкаванні трэба па чарзе задаваць пытанні і адказваць на іх. Для кожнага пытання дзеці павінны выбраць варыянт адказу і растлумачыць, чаму ён ім больш даспадобы. Можна пачаць з прыкладаў, прыведзеных ніжэй, а потым паспрабаваць прыдумаць уласныя.

• Што ты выбераш: сваю любімую гарачую страву ў халодным выглядзе або любімую халодную страву ў гарачым выглядзе?
• Што ты выбераш: вельмі моцна адчуваць усе пахі або наогул не адчуваць іх?
• Што ты выбераш: насіць занадта вялікі абутак або занадта маленькі?
• Што ты выбераш: каб было вельмі спякотна ці вельмі холадна?
• Што ты выбераш: шэсць пальцаў на кожнай руцэ або шэсць пальцаў на кожнай назе?
• Што ты выбераш: каб у цябе быў язык, як у змяі або як у кошкі?
• Што ты выбераш: лётаць, як птушка, або дыхаць пад вадой, як рыба?
• Што ты выбераш: плашч, які робіць цябе нябачным, або гадзіннік, які спыняе час?
• Што ты выбераш: мець магчымасць гаварыць толькі шэптам або толькі крыкам?
• Што ты выбераш: мець уладу над вадой ці агнём?

Можна спаборнічаць у тым, чые адказы выклічуць больш весялосці!

Чым карысная гульня. Гэта практыкаванне на крытычнае мысленне. Дзеці вучацца прымаць рашэнні, сутыкаючыся з незвычайнымі сцэнарыямі, і абгрунтоўваць свой выбар.