Скачам

Што спатрэбіцца: нічога.

У чым заключаецца гульня. Прыйшоў час трохі паскакаць. Пастаўце дзіця нагамі на мяккую паверхню (напрыклад, на канапу ці нават сабе на калені). Падтрымлівайце яго за бакі ці за рукі. Ногі дзіцяці ў гэтым узросце могуць яшчэ быць не ў стане ўтрымліваць усю вагу, таму не «стаўце» яго на ногі поўнасцю, а надзейна падтрымлівайце, робячы так, каб дзіця спружыніла нагамі і «падскоквала». Павярніце яго тварам да сябе, каб дзіця магло бачыць вашу рэакцыю — заўсёды дэманструйце тыя эмоцыі, якія вы хочаце, каб гульня выклікала ў яго. Сачыце за рэакцыяй. Працягвайце, пакуль дзіця ўсміхаецца, павісквае і наогул паказвае, што яму падабаецца. Можаце чытаць які-небудзь дзіцячы вершык або напяваць песеньку ў такт вашым рухам, напрыклад:

Скача зайчык па дарожцы,

Прыг-скок.

Правай ножкай, левай ножкай,

Прыг-скок.

Скачам, скачам без аглядкі,

Прыг-скок.

І папляскаем у ладкі,

Прыг-скок.

Чаму пры гэтым вучыцца дзіця. Гэта гульня развівае фізічныя навыкі, каардынацыю рухаў, а таксама дапамагае ў далейшым развіваць маўленне вашага дзіцяці. А яшчэ гэта весела!