Спевы на другой мове: гульня для дзяцей 0–6 гадоў

Спевы на іншай мове: чаму гэта добра для дзяцей

Двухмоўе — здольнасць разумець дзве мовы і размаўляць на іх — спрыяе развіццю дзяцей. Спевы — гэта цікавы спосаб дапамагчы вашаму дзіцяці вывучыць і запомніць словы і структуру сказаў на іншай мове.

Калі ваша дзіця спявае песні са словамі ці прыпевамі, якія паўтараюцца, яно практыкуе новую лексіку і структуру сказаў. Гэта дапамагае вашаму дзіцяці запомніць новыя словы.

Песні, якія маюць культурнае ці асабістае значэнне, — напрыклад, песні, што перадаюцца ў вашай сям’і ад пакалення пакаленню, — могуць набываць для вашага дзіцяці дадатковую значнасць.

Што трэба, каб спяваць з дзіцем на другой мове

Выберыце простую песню на сваёй другой мове, каб праспяваць з дзіцем.

Калі вы не ведаеце песень, якія б падышлі, вы можаце пашукаць у інтэрнэце.

Як спяваць з дзіцем на другой мове

Вось некалькі ідэй, як спяваць разам з дзіцем:

• Выбірайце песні, змест якіх прадугледжвае рухі рукамі, або прыдумвайце такія рухі самі. Гэта дапаможа дзіцяці запомніць, пра што гаворыцца ў песні, нават калі яно не разумее ўсіх слоў.
• Праспявайце песню свайму дзіцяці. Не турбуйцеся пра тое, што не пападаеце ў кожную ноту. Вашаму дзіцяці спадабаецца гук вашага голасу, яно адчуе мелодыю і вашыя эмоцыі.
• Выберыце песні, якія ваша дзіця ўжо ведае на сваёй роднай мове, напрыклад «З днём нараджэння цябе», і праспявайце іх на іншай мове.
• Сачыце за выразам свайго твару і голасам падчас спеваў.
• Хваліце дзіця, калі яно паўтарае словы або капіруе дзеянні. Спачатку яно можа запомніць толькі адно ці два словы.
• Растлумачце, пра што песня. Вам не трэба перакладаць кожнае слова.
• Паспрабуйце выкарыстоўваць некаторыя словы і фразы з песень у паўсядзённай размове з дзіцем. Спяваць часткі песні можа быць пацешна, калі вы здолееце натуральна ўпісаць іх у гутарку.

Спевы на другой мове: адаптацыя для дзяцей рознага ўзросту

Вы можаце спяваць свайму дзіцяці песні на розных мовах адразу пасля яго нараджэння ці нават раней. Вам не трэба чакаць, пакуль яно пачне размаўляць ці пакуль свабодна загаворыць на адной мове. Дзеці могуць вывучаць дзве і больш моў адначасова. І чым раней, тым дзіцяці прасцей.

Для дзіцяці больш старэйшага ўзросту запамінальная поп-песня можа стаць добрым спосабам вывучыць мову. Яно можа даведацца толькі адно ці два словы або фразы, але калі песня спадабаецца, дзіця будзе працягваць слухаць яе, пакуль не зразумее лепш. Вы можаце праверыць тэкст, каб пераканацца, што ён падыходзіць дзіцяці па ўзросце.