Вербальнае і фізічнае ўзаемадзеянне: гендэрная перспектыва
Бацькі могуць свядома ці несвядома пераносіць уласную гендэрную прадузятасць на сваіх дзяцей. З ранняга ўзросту да пераваг дзяўчынак адносяць іх прывабнасць, а хлопчыкаў хваляць за іх фізічную сілу. Бацькі могуць ставіцца да дзяўчынак як да больш безабаронных, тады як хлопчыкаў заахвочваюць «быць моцнымі». Бацькі могуць быць больш адкрыта фізічна прывязаны да дзяўчынак і больш стрымана ставіцца да хлопчыкаў. Такім чынам, з дапамогай сістэмы сацыяльных заахвочванняў і пакаранняў дзяўчынак і хлопчыкаў паступова вучаць паводзіць сябе ў адпаведнасці з загадзя вызначанымі агульнапрынятымі для іх полу нормамі.
Як правіла, да трох гадоў дзеці пачынаюць ідэнтыфікаваць сябе ў адпаведнасці з полам, а да пяці яны могуць расказаць вам «што робяць дзяўчынкі» і «што робяць хлопчыкі». У некаторых выпадках да дзяўчынак ставяцца з меншай увагай, напрыклад, калі яны атрымліваюць меншую колькасць ежы, чым хлопчыкі, ці ім часцей даручаюць браць на сябе адказнасць за хатнія справы.
Парады бацькам:
- Памятайце, што хоць дзеці і развіваюцца з рознай хуткасцю, этапы развіцця ў дзяўчынак і хлопчыкаў аднолькавыя.
- Забяспечвайце дзецям абодвух палоў роўныя правы і магчымасці ў галіне аховы здароўя і адукацыі.
- З самага нараджэння стаўцеся да дзяцей з клопатам і любоўю незалежна ад іх полу.
- Устрымлівайцеся ад рашучага ўмацавання гендэрнай ідэнтычнасці ў адносінах да сваіх дзяцей. Важна стварыць спрыяльнае асяроддзе, якое будзе садзейнічаць развіццю і навучанню дзіцяці ў адпаведнасці з яго індывідуальнасцю. Вы можаце набыць гульні або цацкі для дзіцяці, якія стэрэатыпна асацыіруюцца з супрацьлеглым полам (ляльку для хлопчыка), або нейтральныя гульні, звязаныя з канструяваннем або творчасцю.
- Пазбягайце слоўных выразаў ці жартаў, якія могуць узмацніць гендэрныя стэрэатыпы ў прыніжальным кантэксце, напрыклад: «ён плача, як дзяўчынка», «яна — такая гарэза», «яна занадта ўладная», «ён занадта мяккі» і г. д.
- Паводзьце сябе гендэрна-нейтральна і самі паказвайце прыклад паводзін, які асацыіруецца з супрацьлеглым полам (напрыклад, калі бацькі гатуюць на кухні, а маці займаюцца спортам на вольным паветры).
- Заахвочвайце дзяцей абодвух палоў выказваць свае пачуцці і быць эмацыянальна адкрытымі і сумленнымі ў адносінах да іншых.
- Заахвочвайце дзяцей будаваць адносіны з аднагодкамі.
- Старайцеся ўдзельнічаць у адукацыйных і навучальных праграмах, якія датычацца гендэрных роляў і стэрэатыпаў, павялічваючы сваю дасведчанасць і пазбаўляючыся ад прадузятасці.
