Вершык для малога дзіцяці

Што спатрэбіцца: добры настрой!

У чым заключаецца гульня. Адзін з самых выдатных спосабаў зносін з дзіцем —  розныя слоўныя заняткі і гульні.

Пакладзіце дзіця на мяккую роўную паверхню, напрыклад на дзіцячы ложачак, ваш ложак ці на пакрывала, разасланае на падлозе. Прачытайце дзіцяці любы вершык. Калі яно нядаўна прачнулася, можна расказаць такі:

Хто прачнуўся, пацягнуўся, 
Маме з татам усміхнуўся? 
Гэта мы прачнуліся,
Сонна пацягнуліся!

Каб дзіцятка жвавым стала,
Аднаго разочка мала.

Паспрабуем пацягнуцца, 
Каб да сонца дакрануцца!
Ухапіць яго прамень 
І сагрэць ім гэты дзень!

А ўкладваючы дзіця спаць, прачытайце такі вершык:

Ручкі коўдру падцягнулі
І, стаміўшыся, заснулі.  
Ножкі спяць і спіць жывоцік,
Замаўчаў, заснуўшы, роцік.
Сонным вочкам сніцца мама,
Побач шчочкі спяць таксама.
Вушкі спяць і носік спіць,
Мы не будзем іх будзіць.

Расказвайце дзіцяці любыя вершыкі, якія ведаеце. Рабіце гэта хаця б раз на дзень.

Чым карысная гульня. Чытанне вершаў немаўляці садзейнічае ўмацаванню сувязі паміж ім і дарослым, дапамагае дзіцяці развіваць слых, маўленне і навыкі сацыяльнага ўзаемадзеяння.