Выдаленне кляшчоў

Укус кляшча бязбольны і звычайна не адчуваецца, што дазваляе кляшчу заставацца на скуры на працягу некалькіх дзён. Кляшчы часта з’яўляюцца пераносчыкамі бактэрыі Borrelia burgdorferi, узбуджальніка хваробы Лайма. Гэта інфекцыйнае захворванне, якое часцей за ўсё паражае скуру, нервовую сістэму, суставы і сэрца, а таксама можа ўплываць на ўвесь арганізм.

Калі вы заўважылі кляшча, яго трэба выдаліць максімальна акуратна і як мага хутчэй (на працягу першых 24 гадзін пасля ўкусу), каб зменшыць верагоднасць занясення інфекцыі. На кляшча, якога яшчэ не выдалілі са скуры, нельга наносіць хімічныя рэчывы (спірт, бензін, ацэтон, алей, крэм і г. д.). Выдаляць кляшча неабходна толькі механічным спосабам з дапамогай чыстага пінцэта, які трэба папярэдне прадэзінфіцыраваць спіртам. Працэдура наступная:

  1. Захапіце кляшча пінцэтам як мага бліжэй да скуры ў месцы ўкусу, імкнучыся не разарваць і не сціснуць яго цела.
  2. Асцярожна пацягніце пінцэт уверх, каб падняць кляшча са скуры, а затым павольна выцягніце яго.
  3. Пасля выдалення кляшча прадэзінфіцыруйце месца ўкусу.
  4. Выдаляць кляшчоў рэкамендуецца ў медыцынскіх установах (паліклініцы, медыцынскім цэнтры і г. д.), дзе дзіцяці акажуць неабходную дапамогу і пракансультуюць вас пра далейшыя дзеянні.
  5. Калі вы выдалілі кляшча самастойна (незалежна ад таго, выцягнулі вы яго поўнасцю або толькі часткова), абавязкова неабходна звярнуцца да ўрача.