Як распазнаць атручэнне ў дзяцей
Адзінай клінічнай карціны атручэння не існуе, і ў некаторых выпадках у дзяцей, якія праглынулі нешта, што можа стаць прычынай атручэння, яшчэ некаторы час не будзе назірацца яго праяў.
Body
Сімптомы, якія ўзнікаюць, у першую чаргу залежаць ад тыпу рэчыва, каторае стала прычынай атручэння, і ад яго колькасці. Далей прыведзены некаторыя з магчымых сімптомаў і прыкмет атручэння ў дзяцей:
- у дзіцяці з'яўляецца слабасць, санлівасць, яно раптам пачынае дрэнна сябе адчуваць без заўважнай прычыны;
- парушэнне свядомасці;
- эпілептычны прыпадак;
- галаўны боль;
- страх і незвычайныя паводзіны;
- парушэнне зроку і галюцынацыі;
- цяжкасці з перамяшчэннем і нязграбнасць;
- звужэнне або расшырэнне зрэнак;
- пачашчанае ці цяжкае дыханне;
- сэрца дзіцяці б'ецца хутчэй ці павольней;
- раздражненне слізістых абалонак вачэй, носа або рота;
- экзэма, а таксама падобныя на апёкі змены скуры вакол рота і носа;
- павышанае сліна- або слёзавыдзяленне;
- з'яўленне ў дзіцяці непрыемнага паху з рота;
- боль і пякота ў горле, грудзях або жываце;
- жаўтуха;
- частае мочаспусканне або амаль поўная яго адсутнасць;
- гарачка і дрыжыкі;
- рвота;
- панос;
- кроў у стуле і/або рвота крывёй.
Асабліва вас павінны насцярожыць некаторыя нехарактэрныя з'явы ў памяшканні, якія могуць указваць на прычыну атручэння ў дзяцей: распаўсюджванне непрыемных пахаў, невытлумачальнае знікненне ці памяншэнне колькасці лекаў або прадметаў бытавой хіміі, разлітыя лекі ці бытавая хімія або пустыя ўпакоўкі ад іх.
