Жывёлы па алфавіце

Што спатрэбіцца: добры настрой!

У чым заключаецца гульня. Гульня пачынаецца з таго, што першы ігрок называе любую жывёлу, якую захоча. Затым наступны ўдзельнік павінен назваць іншую жывёлу, назва якой пачынаецца з апошняй літары назвы папярэдняй жывёлы. Напрыклад, вось так: слон, насарог, гарыла...

Калі нехта з удзельнікаў не можа прыдумаць жывёлу на працягу адной хвіліны (або любога іншага ўстаноўленага перыяду часу), ён выбывае з гульні.

Або можна гуляць, выбраўшы адну літару. Гэта значыць, ігракі спрабуюць па чарзе пералічыць як мага больш жывёл, назвы якіх на яе пачынаюцца. У такім выпадку можна прысуджаць па адным бале таму, хто назваў (або запісаў) найбольшую колькасць жывёл на кожную літару. Выйграе той, хто набярэ найбольшую колькасць ачкоў да канца алфавіта.

Калі вам спадабалася гуляць, называючы жывёл па алфавіце, можна паспрабаваць і іншыя тэмы. Гэтак жа можна гуляць у гарады, ежу — у што заўгодна.

Чым карысная гульня. Гэтая простая гульня дапамагае палепшыць навыкі правапісу, пашырыць слоўнікавы запас, а таксама веды пра жывёльны свет.

Больш за тое, гэта выдатны спосаб баўлення часу ў доўгіх паездках.