Змены ў месцы ўкусу насякомага і распазнанне алергічных рэакцый

Наступствы ўкусаў насякомых, могуць выяўляцца ў дзіцяці ў выглядзе змен у месцы ўкусу, а таксама ў выглядзе рэакцый, якія ўплываюць на ўвесь яго арганізм.

Змены ў месцы ўкусу (лакальныя змены) часцей за ўсё выяўляюцца як:

дыскамфорт;
пачырваненне;
боль;
прыпухласць;
сверб;
гарачка;
з’яўленне невялікай колькасці крыві.

Пасля з’яўлення лакальных змен неабходна на працягу некалькіх наступных гадзін уважліва сачыць за агульным станам вашага дзіцяці, каб своечасова выявіць узнікненне сур’ёзнай алергічнай рэакцыі.

Змены і рэакцыі на ўкусы насякомых у цяжкіх выпадках могуць закрануць увесь арганізм дзіцяці. Такі стан можа азначаць цяжкую алергічную рэакцыю з пагрозай для жыцця і патрабаваць тэрміновай медыцынскай дапамогі. Да найбольш распаўсюджаных сімптомаў і прыкмет цяжкай алергічнай рэакцыі адносяцца:

сверб і сып па ўсім целе, у тым ліку ў месцах, размешчаных далёка ад месца ўкусу;
алергічны сып (чырвоныя кропкі на скуры);
ацёк твару, вуснаў, павек ці языка;
пяршэнне ў горле;
адчуванне сціснутасці ў горле ці грудзях;
кашаль;
задышка, цяжкае дыханне і хрыпы;
млоснасць, рвота, боль у жываце, панос;
галавакружэнне і непрытомнасць;
слабы пульс;
зніжэнне крывянога ціску;
бледная скура;
патлівасць;
напружанне.

Калі вы заўважылі ў дзіцяці любы з гэтых сімптомаў і прыкмет, неадкладна выклічце хуткую медыцынскую дапамогу (103), а калі вы можаце дабрацца да ўрача хутчэй, арганізуйце транспарціроўку дзіцяці да найбліжэйшай медыцынскай установы (паліклінікі, медыцынскага цэнтра, бальніцы), у выпадку неабходнасці ў гэты час праводзьце мерапрыемствы па сардэчна-лёгачнай рэанімацыі.