Эне сүтүн сактоо

Балаңызды эң жакшы азыктан куру калтырбоо үчүн сүтүңүздү сактап, керектүү учурда колдонсоңуз болот. Туура чогултулган жана сакталган сүт анын касиетин өзгөртпөйт жана ымыркай үчүн коопсуз.

Сиз бир нече саат бою үйдөн алыс болуп, балаңызды эмизе албай калышыңыз мүмкүн. Сизге көп иштөөгө же саякатка чыгууга туура келиши ыктымал, улуу балаңыз ооруп калышы мүмкүн, өзүңүз үчүн көп бош убакыт керек болуп калат; мындан тышкары, энелер төрөттөн кийин жумушка кайтууга аргасыз болушат. Муздаткычта же тоңдургучта сакталган сүтүңүз анын азыктык касиетин же даамын өзгөртпөйт.

Сүттү сактоого даярдоо                                                       

Сүттү кол менен дагы, ошондой эле насостун жардамы менен дагы сааса болот. Эмчек насостору эң сонун, анткени сүт соргуч менен келген стерилдүү бөтөлкөгө түз чогултулат, андыктан тышкы бактериялар менен булгануу жок; мындай бөтөлкөлөрдөгү сүттү тамактанууга чейин сактоого болот.                                                          

Саардын алдында колду жакшылап жылуу сууга самындап жууш керек. Эмчекти саардын алдында сүт бездерин атайылап тазалоо талап кылынбайт.  Сүт куюлган идиштерди ысык сууга идиш жуучу каражат менен жууп, жакшылап чайкап, абада кургатыңыз же кагаз сүлгү колдонуңуз. Дезинфекциялоочу каражаттарды колдонуу сунушталбайт. Эмчектин насосун өндүрүүчүнүн көрсөтмөсүнө ылайык жууп, дезинфекциялаңыз. Сүттү сактоо үчүн капкагы катуу пластик же айнек идиштерди же эмчек сүтүн сактоо үчүн атайын жасалган баштыктарды колдонуңуз. Балдар бөтөлкөлөрү үчүн колдонулуучу пластик зыяндуу бисфенолдорду камтыбашы керек! Бир жолу колдонулуучу пластик бөтөлкөлөр же зааранын посеви үчүн контейнерлер сунушталбайт, анткени алардын химиялык коопсуздугу ишенимсиз.

Сүттү туура сактоо аш болумдуу заттарды сактоо жана бактериялык булгануу мүмкүнчүлүгүн азайтуу үчүн өтө маанилүү. Сүттү туура сактаган учурда гана колдонууга болот!

Эне сүтүн сактоо

Бөлмө температурасында: ОПТИМАЛДУУ 4 СААТТАН АШЫК ЭМЕС. Эгерде сүттү көпкө колдонбой турган болсоңуз, аны муздаткычта сактаганыңыз оң. Муздаткычта: 24 сааттан 72 саатка чейин; эшигинде эмес, андан ары ичинде, температура туруктуу жана 5ᵒC ашпаган жерде. Эгерде сиз сүттү узагыраак сактоону пландап жатсаңыз, анда аны тоңдуруп койгонуңуз оң.

Эне сүтү куюлган бөтөлкөнү жылуу сууга салыңыз. Бөтөлкөнү жылуу суу куюлган чыныда же атайы жылыткычтын жардамы менен жылытыңыз.  Муздак сүттү жылуу суу куюлган мискейге салынган бөтөлкөдө жылытышат. Сиз ошондой эле бөтөлкө үчүн жылыткычты колдоно аласыз. Саалган эне сүтү бир тектүү эмес, андыктан анын эки бөлүккө - май жана сууга бөлүнүшү нормалдуу. Температураны текшерүүдөн мурун сүттөгү майды бөлүштүрүү үчүн идишти чайкаңыз. Жылытылган сүт үчүн оптималдуу температура 37 градустан жогору эмес.

Эч качан эне сүтүн микротолкундуу мешке же түздөн-түз плитага коюп ысытпаңыз. Жогорку температура баалуу заттарды жок кылат жана бала микротолкундуу мештеги тегиз жылыбаган сүткө күйүп калышы мүмкүн.

Сүттү тоңдуруу

  • Саалган сүттү тоңдурууга болот. Сүттү кичине үлүштөр менен, мисалы 30-120 мл сактаңыз, бун аны кийин пайдалануу үчүн ыңгайлуу.
  • Сактоодон мурун идиштерге сүт чогултуу күнүн белгилеңиз. Бир күн ичинде бир нече сеанста саалган сүттү бир идишке куйса болот.
  • Муздаган же тоңуп калган сүткө жаңы саалган сүттү кошуунун кереги жок.  Жаңы сүттү мурда саалган сүткө кошуудан мурун муздатуу керек.
  • Эгерде сиз баштыктарды колдонсоңуз, тоңдургучтан башка тамактын жытын сиңирип албоо үчүн, аларды жабык пластик контейнерде сактаңыз.
  • Убактысы келгенде ушундай жол менен даярдалган сүттү балдардын пюресин даярдоо үчүн колдоно аласыз.

Сүттү тоңдуруу камерасында сактоо мөөнөттөрү

  • Муздаткычтын текчесинде: эки жумага чейин
  • Тигинен турган өзүнчө эшик менен тоңдургуч камерасында: 3-4 ай
  • -19 ° Cда дайыма терең тоңдуруучу тоңдургуч камерасы: 6 айга чейин

Тоңдурулган сүттүн жыты

Тондурулган, ошондой эле муздаткычта сакталган сүт, сүттөн чыккан ферменттердин таасири астында майдын ажыроо процессинен улам жаңы сүттүн жытынан айырмаланган жытка ээ болушу мүмкүн.  Ымыркайлар бул сүттөн жытына байланыштуу баш тартуусу боюнча эч кандай далил жок.

Сүттү эритүү

  • Сүттү муздаткычка жай эритип алсаңыз болот (болжол менен 12 саат талап кылынат; аны колдонуудан мурун түнү менен муздаткычка салыңыз). Тоңдурулган сүттү ээритүү үчүн бөлмө температурасында калтырбаңыз.
  • Эгерде тезирээк ээритүү керек болсо, тоңдурулган сүт куюлган идишти суу агымынын астына коюңуз (биринчи муздак, анан акырындык менен суунун температурасын жогорулатуу керек).
  • Эритилген сүттү муздаткычта толугу менен эригенден кийин 24 саатка чейин, ал эми бөлмө температурасында эң көп дегенде 2 саатка чейин сактоого болот. Эриген соң сүттү кайрадан тоңдурбаңыз!

Саалган сүттү ташуу

Саалган сүттү ташуу үчүн жылуулук изоляцияланган муздатуучу баштыкты жана муздатуучу картридждерди колдонуңуз. Сиз жаңы же тоңдурулган сүттү ташый аласыз. Көздөгөн жериңизге келериңиз менен сүттү муздаткычка салыңыз. Эгерде тоңдурулган сүт эрип кетсе, аны төрт сааттын ичинде колдонуңуз жана кайра тоңдурбаңыз.

Бул сунуштар дени сак бала үчүн, сүттү үй шартында колдонуу үчүн сактоого тиешелүү. Эгерде ымыркайыңыз ара төрөлгөн болсо жана/же ооруканада жатса, анда бул учурда сүттү кантип сактоо боюнча көрсөтмөлөрдү алуу үчүн дарыгерден кеңеш сураңыз!