Көп компоненттүү айкалышкан Пента вакцинасы
Пента вакцина (АКДС-ВГВ-ХИБ) – бул 5 антигенден турган айкалышкан көп компоненттүү вакцина. Вакцина тазаланган кептөөр жана сенек анатоксиндерин, көк жөтөл таякчаларынын инактивацияланган бөлүкчөлөрүн, В гепатитинин үстүрт антигендерин, b тибиндеги гемофилдик таякчанын (ХИБ) компоненттерин камтыйт.
6 жана 11 жашында балдарыңыз организмди ушул кооптуу жугуштуу оорулардан коргоону узартуу үчүн сенек жана кептөөргө каршы АДС жана АДС-М (ревакцинация) вакцинасын алышат.
Body
Вакцина жөнүндө
- Пента вакцинасы (АКДС-ВГВ-ХИБ) балдарды 5 оорудан: кептөөр, көк жөтөл, селейме, В вирустук гепатити жана b тибиндеги гемофилдик инфекциясы тарабынан чакырылган оорулардан коргоо үчүн колдонулат.
- Кыргыз Республикасынын Алдын алуучу эмдөөлөр календарына ылайык, сиздин балаңыз Пентавакцинаны 2 айында, 3,5 айында жана 5 айында алат.
- 2 жашында балага көк жөтөл, көптөөр, селеймеге каршы АКДС вакцинасы менен ревакцинация жасалат.
- 6 жана 11 жашында балдарга жана өспүрүмдөргө антигенди аз камтыган АДС жана АДС-М вакциналары менен кептөөр жана селеймеге каршы ревакцинация жүргүзүлөт.
- Вакцина 18 айга чейин балдардын санына булчуң ичине, ал эми 18 айдан кийин – ийинге жасалат. Бул вакциналарды башка ооруларга каршы вакциналар менен бир учурда жасоого болот, ошол эле учурда эмдөө дененин башка жерине жасалат.
- Эгер балаңыз пландуу эмдөөлөрдү өз учурунда албаса, үй-бүлөлүк дарыгерге кайрылуу жана вакцинанын жетишпеген дозасын алуу керек.
- Сиздин балаңыз вакцинаны албоого тийиш, эгерде:
- вакцинанын кайсы бир компоненттерине өтө сезгичтик болсо же мурдагы жасалган вакцинага күчтүү реакция байкалган болсо
- баланын нерв системасында күчөгөн оорусу бар болсо
- Эгерде балада курчуган баскычтагы кескин же өнөкөт оору болсо, дене табы жогоруласа, эмдөөнү айыкканга чейин кое туруу керек. Суук тийүү - эмдөөнү жылдырууга себеп болбойт.
