Лактацияны колдоо

Бардык жаңы төрөлгөн балдарды эмчек сүтү менен азыктандырууга болот. Өзгөчөлүктөр өтө сейрек кездешүүчү тубаса зат алмашуунун бузулууларына тиешелүү. Жаңы төрөлгөн ымыркайлардын жана балдардын тамактануусунда "эненин сүтү - эң мыкты" деген идея алдыңкы планга чыгарылат.

Атайы бөлүмдөрдөгү жана интенсивдүү терапия бөлүмдөрүндөгү ымыркайлар эгерде аларда соруу-жутуу рефлекси бар, ӨЖД эмес жана клиникалык жактан туруктуу болсо эмчек эме алышат.

34 жумага чейинки ара төрөлгөн ымыркайлар, ӨЖДда жаткан балдар же абалы начарлап кеткен балдар эме алышпайт. Жырык таңдай, жүрөк кемтиги, неврологиялык же генетикалык бузулуулар, Даун синдрому сыяктуу башка аномалиялары бар балдар эмгенде кыйынчылыктарга туш болушу мүмкүн. Мындай учурларда бала эме алганга чейин анын абалына ылайыктап эне сүтү менен тамактандырса болот.

Эгерде сиз жаңы төрөлгөн балаңыздан алты-сегиз сааттан ашык бөлүнсөңүз (интенсивдүү терапия бөлүмүнө жаткырылган же башка мекемеге которулган ара төрөлгөн бала, оорулуу ымыркай), анда сиз көкүрөктү саап башташыңыз керек. Ошентип сиз сүттүн иштелип чыгышын стимулдайсыз жана балаңызга мүмкүн болгон эң жакшы азыктардын ичинен - сүттү алууга мүмкүнчүлүк бересиз.

Сиздин сүтүңүз - балаңыз үчүн эң жакшы тамак. Ара төрөлгөн же оорулуу балаңыздан бөлүнгөнүңүздө сиз ал үчүн эч нерсе кыла албай турганыңыздай сезилет. Сиздин сүтүңүз чындыгында балаңызга бере турган азыктын өзү.

Эне сүтүн саап алуу боюнча кеңештер

Дени сак төрөлгөн наристенин энеси менен бирге болгон 24 сааттын ичинде лактацияны стимулдаштыруу үчүн көкүрөктү 6-8 жолу саап туруу керек.
Кол менен саап алуу 20 мүнөткө созулушу керек; эки сеанстын аралыгы 5 сааттан ашпашы керек жана муну түн ичинде жок дегенде бир жолу жасоо керек.
Биринчи бир нече сеанстарда сүттүн өлчөмү минималдуу болушу мүмкүн; ал тажрыйба менен көбөйөт.
Сиз ыңгайлуу жана жайлуу абалда турганда, балаңызды ойлоп, анын сүрөтүн же оюнчугун кармап, чогуу болсоңуз, аны карап, көкүрөктү акырын жылытып, баш бармагыңыз менен сөөмөйүңүздүн жардамы аркылуу укалоо менен үрптү стимулдаштыра аласыз.
Сүт чогултуу жана сактоо үчүн кол гигиенасына жана идиштердин гигиенасына кам көрүү маанилүү.
Эмчек эмизүү сыяктуу эле, кол менен саап алуу үйрөнүү зарыл болгон чеберчилик. Сиз төрөт үйүндөгү же реанимациядагы кызматкерлерден керектүү кеңештерди жана жардамдарды аласыз; жардам суроодон коркпоңуз.

Башында кол менен саап алуу сунушталат. Сүт чогултуудан тышкары, бала үрптү оозуна салып, бүтөлүп калган сүт түтүктөрүн бошотушу үчүн кол менен саап алуу көкүрөктөгү жагымсыз катуулануу сезимдерин жеңилдетүүгө, шишип чыккан көкүрөктүн ареоласынын шишигин азайтууга жардам берет. Мындай учурларда, кол менен саап алуу кыйла кыска болот.

Сүт сордуруп алуучу шаймандар, кол менен саай турган же электр насостору, айрыкча бала көпкө эме албаса же эне менен бала башка себептерден (эненин оорусу же жумушка эрте кайтып келүүсү) бөлүнсө, сүттүн чогултуусун кыйла жеңилдетет. Жаңы муундагы электр насостору энелердин ар кандай муктаждыктарына ылайыкташтырылган; кемчилиги - алардын баасынын кымбаттыгы. Насостук жабдууларды өндүрүүчүнүн нускамасына ылайык тейлөө жана стерилдөө керек.

Лактацияны колдоо айрыкча, баласы менен узак убакытка бөлүнгөн эне үчүн оор жана убаралуу болушу мүмкүн. Эгер ийгиликке жетпей калсаңыз, балаңыздын керектөөлөрүнө ылайыкташтырылган атайын формулалар бар экенин билишиңиз керек. Тамактануудан тышкары, балаңызга бере турган жылуу жана колдоочу мамиле жана сүйүү анын оптималдуу өсүшүндө жана өнүгүүсүндө негизги ролду ойнойт.