Ымыркайлар үчүн оюнчуктар: биринчи үч айда

Ымыркайлар үчүн оюнчуктар • балаңыз капа болгондо сиздин жүзүңүздү көрүп турсун; • балаӊызга жылмайып, жагымдуу үн менен сүйлөшүӊүз; • баланын алаканын жазуу учүн анын чыпалагы менен баш бармагына чейин сылап, кармалаӊыз; Бир айлык балага ылайыктуу оюнчуктар: • шарлар, чоң өлчөмдөгү жеңил кубдар, көзгө байкоо жүргүзүү жана баланын алаканын ачтыруу үчүн ар кандай оюнчуктар; • көңүлдүү обондор, жумшак үндөр менен коштолгон музыкалык оюнчуктар; • Бала ары-бери жылган оюнчукту карап, муштумдарын жазышы үчүн аны кучагыңызга алып же колуңузга бошураак кармап отуруңуз. Анткени кандайдыр бир катуураак үн, кескин кыймыл-аракет же тез кыймылдаган оюнчуктар баланы чочутуп, оюнду үзгүлтүккө учуратышы мүмкүн.

Үч айга чейинки балдар үчүн оюнчуктар

2-3 айлык мезгил баланын узак убакыт ойгоо болушу менен мүнөздөлөт. Бала колун оозуна салат же:

• манжаларын чырмалыштырып, кийимин мыкчый башташы мүмкүн;

• башын эки тарапка тең эркин бура алат;

• күбүрөнүп, ар түрдүүчө үн салат;

• оюнчукту кармап, буттарын курсагына чейин бүгүп, таманы менен да “ороп алат”.

Бала кармап, оозуна алып бара алгыдай чоңураак оюнчукту көкүрөгүнө коюңуз. Ал оюнчукка тийгидей, буту менен кармай алгыдай болсун. Сиздин чачыңызга же атасынын сакалына жеткидей кылып баланын башын көкүрөгүңүзгө коюңуз; бул муштумду жазуу жана кармоо кыймылдарын өнүктүрөт.

Баланы курсагына жаткырыңыз. Кулап кетпеши үчүн сүлгүнү ороп, баланын көкүрөк тушуна төшөсөӊүз болот. Ар дайым кучагы жайылып турганы жакшы – ошондо ал кулап кетпей, оюнчуктарды кармай алат. Балаңыздын көзүнө көрүнгүдөй кылып оюнчукту акырын жылдырыңыз. Бала оюнчукту кармаш үчүн жакыныраак коюңуз.

Балага шылдырак, топ, ар түрдүү куб, жумшак үн чыгарган, оозуна салса зыяны жок оюнчуктарды берип ойнотуу керек.

Балаңыз ойгоо, активдүү болгон учурда ойнотуңуз.

Мындай учурда сиз:

• буюмдарга көз жүгүртүп байкоо салуусуна өбөлгө түзөсүз;

• баланын ар кандай үндөрүн кайталап, буюмдарды кармоо үчүн муштумун жазууга жана колунун кыймылдарын жакшыртууга өбөлгө түзөсүз;

• чогуу ойноп, оюнга кызыктырсаӊыз, баланын мээсиндеги нейрондук байланыштарды андан ары өнүктүрүүгө жакшы өбөлгө түзөсүз.