Алтернативни методи за хранење на новороденчиња и доенчиња

Хранењето со чаша е техника која се препорачува како премин кон доење. Ова е идеален начин за надополнување со мајчино млеко додека бебето е сè уште мало и слабо и не може да обезбеди доволен внес само со цицање.

Хранењето со чаша има голем број предности во однос на хранењето со шише:

• Ја стимулира координацијата на цицање, голтање и дишење.
• Му овозможува на детето да ја контролира количината и брзината на хранење.
• Детето се држи близу до мајката и е во состојба да комуницира со очите.
• Лесно одржување на хигиената.

Најчесто користениот метод на хранење е со шише со брадавица. Хранењето со шише може да создаде потешкотии при припојување на усните на детето на градите, а понекогаш дури и доведува до неможност да се дои. Не се препорачува како метод на хранење за дете кое сè уште не може да цица или за она кое добило дополнително хранење.

Ако вашето бебе се храни со шише, важно е да ги следите препораките за одржување на хигиената на опремата и при подготвувањето на оброци. Препорачливо е, околу 6-тиот месец, детето да започне да користи шолја, да учи како да пие од шолја и да престане да го користи шишето до крајот на првата година. Хранењето со сонда е потребно за деца кои немаат координација на механизмите на голтање и цицање. Шприцеви, капалки или лажички може да се користат за многу мали количини млеко, како што е првото мајчино млеко (колострум) во првите денови од животот.  Бебето не може да го контролира протокот на млеко, па постои можност да се задави со млекото ако му се даде премногу брзо.

Ако имате прашања, дилеми или сомнежи во врска со доењето, јавете се во патронажната служба во вашиот регион. Патронажните сестри ќе ви пружат стручна помош и совет и ќе ви помогнат да се смирите.