Аутизам
Аутизмот е комплексно невроразвојно нарушување кое вклучува голем број карактеристики во однесувањето на детето кои се појавуваат пред третата година од животот.
Body
Ниту едно дете со аутизам не е исто, но сите имаат карактеристични симптоми како што се:
- тешкотии при постигнување социјализација и комуникација / не остваруваат контакт со очите за да привлечат нечие внимание, не користат зборови за комуникација иако можат да ги изговараат, имаат потешкотии при започнување и одржување на комуникација, намалена желба за интеракција со други луѓе
- присуство на стереотипни активности, ограничени интереси / на пример, детето собира само стапови, врти тркала на автомобили
- повторувачко однесување / детето го повторува истото дејство многу пати, отвора и затвора фиоки, вклучува сијалици
- присуство на сензорни тешкотии - на пример, детето може да биде преосетливо на звук или светлина, може да биде чувствително на различни мириси и вкусови
Често се присутни дополнителни тешкотии, како што се:
- тешкотии во исхраната
- тешкотии во спиењето
- анксиозни нарушувања
- епилепсија
- депресија
- проблем со внимание
- проблем со моторната координација
- самоуништувачко однесување и самоповредување
