Цртање кругчиња

Потребни материјали: Бела или хартија во боја, дрвени или мрсни боички

Што можете да направите заедно: Вашето дете ќе сака да чкрта или да црта форми на хартија на оваа возраст. Едноставно дајте му хартија и боички и видете што се може да направи! Кругови се обично првата форма што повеќето деца почнуваат да ја цртаат.  Една забавна активност е целата хартија да ја исполните со кругчиња.  Може да кажете: „Ајде да цртаме кругчиња!  Види, прво ќе нацртам јас“.  Можете да нацртате неколку кругови на хартијата и да кажете „Сега е твојот ред!  Каде ќе ги нацрташ твоите кругчиња? Еј, овој круг е навистина голем! (или други интересни коментари).  Дали сакаш да нацрташ со друга боја?  Погледни колку кругчиња нацртавме! “  Не грижете се ако кругот на вашето дете не е како вашиот. Ако на вашето дете оваа активност му е навистина предизвик, можете нежно да му ја насочувате раката, или да ја оставите оваа активност за подоцна и едноставно да се забавувате чкртајќи.

Што учи вашето дете: Вашето дете добива поголема контрола врз употребата на молив или боичка. Тоа внимателно набљудува и се обидува да направи форма слична на вашата. Со овој вид на активност се зајакнуваат физичкиот и когнитивниот развој на вашето дете, а тоа што го правите заедно ја гради вашата врска.