Детето се дави - што да правам?

Постојат знаци кои можат да укажуваат на претстојно давење: главата на детето навалена наназад со отворена уста, затворени очи, длабоко дишење и борба за воздух, мавтање со рацете, нервозни движења и неуспешни обиди за пливање. Не е невообичаено давењето да се случи во целосна тишина, без повикување за помош или други предупредувачки звуци.

Што да направите ако детето се дави?

  1. Гласно повикајте помош!
  2. Извлечете го детето од водата што е можно поскоро, земајќи ја предвид можноста за повреда на вратот. Не се загрозувајте при спасување на давеник.
  3. Проверете дали детето дише. Ако не, веднаш започнете со кардиопулмонална реанимација и повикајте итна медицинска помош што е можно поскоро (194)
  4. Ако некој друг е присутен, испратете го да се јави на итна медицинска помош (194) и не прекинувајте ја кардиопулмоналната реанимација додека детето не почне да дише или додека не пристигне брза помош.