Емоции и игра: бебиња

Емоции и игра: бебиња

Бебињата само што почнуваат да учат за своите емоции и како да ги изразат. Играњето е природен начин на кој бебињата учат и се развиваат, а играта им дава шанса да истражуваат и изразуваат чувства како среќа или фрустрација.

Токму сеа, клучни сте вие. Преку игра со вашето бебе, можете да му помогнете да научи да комуницира емоции.

Играта со вашето бебе е главно за интеракции на давање и примање емоции - не се играчки. На пример, само правење гримаси е игра за вашето бебе. Додека се гледате очи во очи со бебето, ја градите вашата силна врска.

Бебињата можат да ви кажат многу за тоа што го чувствуваат користејќи го говорот на телото. Видеото за знаците кои ги дава бебето е водич за тие знаци, за да ви помогне да разберете што вашето бебе сака да ви каже.

Што да очекувате од бебешките емоции

Вашето бебе најверојатно:

• ќе се смее гласно на 2-4 месеци
• ќе почне да се повлекува од странци и да биде вознемирено со нови луѓе од околу осум месеци - ова се нарекува анксиозност од непознати лица
• ќе сака да биде со вас или друг близок возрасен и да се прилепува за вас од околу осум месеци
• покажува знаци на вознемиреност од одвојување од околу осум месеци, дури и кога само ќе излезете од собата во вашиот дом
• ќе сака да се гушка од 10 месеци.

Идеи за игри за поттикнување на бебешките емоции

Еве неколку идеи за игра за да му помогнете на вашето бебе да истражува и да ги изрази емоциите:

• Пуштете музика со вашето бебе. Играњето со музика, како пеење или правење звуци со играчки или едноставни инструменти може да им помогне на децата да ги изразат своите емоции.
• Користете допир кога играте со вашето бебе. Ова може да му помогне на вашето бебе да изрази емоции. Може да се обидете со песнички како “Ова мало прасе отиде на пазар” и скокоткајте ги нозете на вашето бебе додека пеете.
• Обидете се неуредна игра со песок, кал, бои и други лепливи материи. Ова може да им помогне на вашето постаро бебе да се навикне на начинот на кој различни работи прават да се чувствува различно. На пример, бебе може да фрла наоколу кал среќно, или налутено да истури сад со вода.  Само внимателно надгледувајте го.
• Користете кукли или играчки за да почнете да објаснувате едноставни емоции. На пример, можете да користите кукли или играчки и да кажете работи како “Автомобилот е среќен затоа што автобусот вози заедно со него” или “Глувчето е тажно, затоа мачката ќе го гушне”.

Иако играта е важна за учење и развој, таа е главно за забава. Ако не е забавно, тоа не е игра. Затоа е важно да го следите водството на вашето бебе кога станува збор за игра. Говорот на телото на вашето бебе ќе ви каже кога тоа е заинтересирано за играње, а кога му е доволно.

Кога да побарате помош за бебешки емоции

Децата растат и се развиваат со различно темпо. Општо земено, клучните моменти во развојот се случуваат во ист редослед, но возраста на која што се случуваат може да варира за секое дете, дури и за децата во исто семејство.

Потребно е да разговарате со вашиот матичен лекар или педијатар ако:

• Вашето бебе редовно го врти лицето подалеку од вас и не ве гледа во очи
• Вашето бебе ретко го користи лицето за да комуницира чувства — на пример, не ви покажува кога е среќно или вознемирено.