Имитација

Потребни материјали: Не се потребни.    

Што можете да направите заедно: За оваа активност, можете да ги користите сите слободни моменти кога сте лице в лице со вашето дете - како што се менување пелени, итн. Привлечете му го вниманието прашувајќи „Какво лице има…?“ и потоа направете специфичен израз на лицето, на пример како риба: вовлечете ги образите и движете ги затегнатите усни како риба или, на пример, како зајаче: стискајте го носот како зајаче… Можете да покажете и различни изрази на лицето - лути, тажни, исплашени, но исто така и движења на главата - климање со главата, вртење на главата од страна на страна, движења на рацете - тапкање, мавтање… Чекајте вашето дете да погледне во вашето лице доволно долго и обидете се да го имитирате. Бидете трпеливи и повторете го движењето или изразот на лицето. Дајте му на вашето дете кратко упатство што тоа може да го разбере - "Ајде, пробај!" или (ако вашето дете е малку постаро), „Можеш ли да ја отвориш устата како риба?  Ајде да видам!“ и охрабрете го да го направи тоа. Кога вашето дете повторува израз на лице или движење, секогаш именувајте го она што го направил, бидејќи на тој начин ќе го поттикнете развојот на говорот. Исто така, треба да ги имитирате движењата или изразите на вашето дете и да им дадете име. 

Што учи вашето дете:  Ќе му помогнете на вашето дете да следи многу едноставни упатства, важен чекор во развојот на неговото размислување, развој на говорот и социо-емоционален развој.