Како да се запре крварењето од повреда

Крварењето може да се случи како резултат на бројни начини на повреда (од посекотини, падови, до сообраќајни несреќи). Постапката за запирање на крварење зависи од природата на повредата, а знаењето на овие техники добива дополнителна важност во поглед на можните здравствени последици што можат да се појават.

Површна рана

  • Исплакнете ја повредената површина со сапун и вода за да ја отстраните нечистотијата.
  • Дозволете раната да се исуши самостојно.

Мало крварење

  • По испирање на раната, доволно е да се притисне со стерилна газа.
  • Ако немате стерилна газа, користете чисто марамче и прицврстете го со помош на ластик или фластер.

Потешко крварење

  • Запрете го крварењето со директен притисок, со ставање на ролна стерилна газа на раната и држење на местото на крварење со умерен притисок.
  • Подигнете го делот кој крвари за да го намалите протокот на крв во него.
  • Можете да ја обезбедите стерилната газа со завој (ако имате), со завиткување на завојот околу неа.
  • Ако видите крв која пробива низ газата и завојот, не ги отстранувајте; наместо тоа, зголемете го притисокот со додавање на друга газа на местото на крварење.
  • По 5-10 минути, проверете дали крварењето престанало.
  • Ако крварењето не запре или рабовите на раната се раздвојуваат, неопходно е да се консултирате со лекар.
  • Чувајте ја раната притисната во секое време додека не пристигнете во здравствената установа.
  • Ако забележите дека овој дел од телото почнува да помодрува или да станува ладен, ослободете го притисокот.

Екстремно тешки крварења:

  • Нанесете директен притисок врз раната како што е опишано погоре и веднаш јавете се на итна медицинска служба (194).
  • Додека ја чекате брзата помош, постојано држете ја раната и задржете го погодениот дел од телото.
  • Ако забележите дека овој дел од телото почнува да помодрува или да се лади, ослободете го притисокот.
  • Следете ја состојбата на детето и тешете го.

Што да не се прави:

  • Никогаш не ги отстранувајте предметите од раната бидејќи крварењето може да се зголеми!
  • Не ставајте ништо во раната!
  • Раните што крварат обилно не смеат да се плакнат!