Хепатит Ц

Хепатит Ц е редок кај децата. Симптомите на хепатит Ц вклучуваат замор, губење на апетитот, гадење и стомачна болка. Повеќето деца со хепатит Ц имаат потреба од третман. Постојат некои лекови кои може да се земат предвид кај постарите деца. Хепатит Ц се шири преку контакт крв-крв.

Предизвикувачи на хепатит Ц

Хепатит Ц е предизвикан од вирус. Ако се заразите со овој вирус, вирусот патува низ крвта во црниот дроб каде што предизвикува воспаление.

Како се шири хепатит Ц

Хепатит Ц се шири преку контакт со крв, односно кога луѓето доаѓаат во контакт со крвта на некој кој го има вирусот.

Најчестиот начин на кој децата добиваат хепатит Ц е од мајки кои го пренесуваат вирусот на нивните бебиња за време на бременоста или при раѓање.

Исто така, постои многу мал ризик од инфекција со хепатит Ц од случаен контакт со користена игла.

Случаи на хепатит Ц кај деца се реткост. Најчесто хепатит Ц се појавува кај возрасни кои примаат лекови преку инекција и при споделување на контаминирани игли.

Симптоми на хепатит Ц

Повеќето деца заразени со хепатит Ц немаат симптоми.

Постарите деца и тинејџери може да имаат благи симптоми како замор, губење на апетитот, гадење и болка во горниот десен дел на стомакот, регија каде што е црниот дроб.

Многу ретко, децата можат да добијат тешка инфекција со хепатит Ц.

Дали вашето дете треба да посети лекар за хепатит Ц?

Треба да го однесете вашето дете на лекар доколку:

развива жолта кожа или очи — ова се нарекува жолтица
има многу темно кафеава урина
има стомачна болка која трае подолго од неколку дена
било во контакт со користена игла.

Исто така, треба да разговарате со вашиот лекар ако мислите дека можеби сте биле изложени на хепатит Ц за време на бременоста.

Тестови за хепатит Ц

Ако лекарот смета дека симптомите на вашето дете може да бидат предизвикани од хепатит Ц или дека вашето дете можеби било изложено на хепатит Ц, потребни ќе бидат крвни тестови за да ја потврди дијагнозата.

Третман на хепатит Ц

Некои деца со хепатит Ц ја надминуваат инфекцијата без никаков третман. Ова може да трае неколку недели или месеци. Но, кај повеќето деца, хепатит Ц продолжува во хроничен облик. Заболените деца од хроничен хепатит Ц имаат ризик за создавање на лузни на црниот дроб, откажување на црниот дроб (цироза) и рак на црниот дроб во постари години.

Постојат ефективни и безбедни антивирусни лекови за лекување на хроничен хепатит Ц кај возрасни. Овие лекови можат да ја излечат инфекцијата кај повеќето луѓе. Здравствените работници може да ги препишат овие лекови и кај некои постари деца.

Вашиот лекар може да ве упати кај специјалист со искуство во лекувањето на хепатит Ц.

Превенција на хепатит Ц

Не постои имунизација за хепатит Ц.

Ако имате хепатит Ц и размислувате за бременост, треба да разговарате за опциите за третман со вашиот лекар. Жените кои имаат хепатит Ц можат безбедно да дојат, освен ако нивните брадавици не се испукани или крварат.

Ако вашето дете дојде во контакт со користена игла, користете сапун и вода за да ја измиете кожата каде што се случил контактот. Потоа, посетете го вашиот лекар.

Вашето дете не треба да дели четки за заби, жилети или други предмети кои припаѓаат на некој кој има хепатит Ц, бидејќи овие предмети можат да бидат контаминирани со заразена крв.