Кога бебето одбива да цица

Бебето може да ја одбива само едната или двете гради за време на доењето. Исто така, тоа може да изгледа гладно, но кога ќе му се понудат градите, тоа не може да се прицврсти за да започне да цица. Или, бебето се прицврстува на градите и почнува да цица, но по кратко време ја пушта градата и почнува да плаче, бидејќи не може да ја задржи во устата.

Причини за отфрлање на градите или тешкотии при прицврстување

• Бебето има проблем со прицврстување на градите 
• Позицијата на доењето не е правилна
• Бебето претпочита една града
• Градите се тврди или отечени
• Градите ослободуваат млеко за време на доењето побавно или побрзо од вообичаеното
• Бебето едноставно не е гладно
• Бебето е навикнато на шише или цуцла
• Бебето е уморно или вознемирено од прекумерна стимулација во опкружувањето, што е нормално за постарите доенчиња
• Бебето е настинато
• Бебето има болки или се чувствува непријатно
• Вашето млеко има различен вкус, што се случува ако земате лек, поради хормонални промени за време на циклусот или ако сте јаделе нешто необично.
• Сте го смениле парфемот или дезодорансот

Што може да помогне:

• Проверете ја положбата на бебето и како се прицврстува на двете гради
• Гушкајте го бебето мирно, близу до градите
• Допрете ги усните на бебето со брадавицата додека не ја отвори устата широко пред да се залепи за градите
• Не го присилувајте бебето да се прицврсти на градите
• Ако бебето почне да плаче или да се нервира, прекинете го доењето и обидете се повторно за 15 минути откако бебето ќе се смири
• Не го присилувајте бебето да се прицврсти на градите кога плаче - доењето треба да биде поврзано со чувство на удобност
• Внимавајте градите да не ви се зголемат поради ограниченото доење
• Измолзете млеко од градите за одржување на лактацијата во двете гради
• Доколку е потребно, измолзувајте малку млеко пред доење за да спречите млекото да влезе премногу брзо во устата на бебето
• Ако бебето ги одбие двете гради, нахранете го со измолзено млеко со лажичка, чаша или шприц
• Хранете го вашето бебе со измолзено млеко додека не го поврзе доењето со чувство на задоволство
• Избегнувајте шишиња со цуцла и цуцла за смирување, нахранете го детето со чаша доколку е потребно
• Доењето треба да се одвива во интимна атмосфера, без дополнителна стимулација
• На доењето треба да му претходи гушкање со бебето
• Не користете парфимирани креми или дезодоранси

Ако не можете сами да го решите проблемот со отфрлање на градите, консултирајте се со патронажна сестра или вашиот матичен лекар или педијатар. Ако мислите дека вашето бебе е болно, однесете го на педијатар.

Доколку имате прашања, дилеми или сомнежи во врска со доењето, користете ја и апликацијата Bebbo за да добиете повеќе информации за доењето.