Куглање со шишиња

Потребни материјали: Пластични шишиња, креда, мека топка. 

Што може да правите заедно:   

1. Ставете ги пластичните шишиња на одредено растојание, околу 50 см оддалечени едно од друго во просторот за игра. 
2. Со креда нацртајте круг околу секое шише. 
3. Одберете едно дете кое прво ќе фрла со топката. Останатите деца имаат улога на бранители на шишињата – секое треба да одбере еден круг. „Бранителите“ ја ставаат едната нога во кругот околу своето шише, а другата нога ја користат за да се бранат од топката кога детето ја фрла. 
4. Детето кое ја фрла топката стои 2-3 метри од круговите и ја става топката на земја. Потоа ја шутира топката кон некое од шишињата, со намера да го собори. Доколку успее во тоа, детето што фрла и детето што брани ги заменуваат улогите. 

За да ја играте оваа игра, потребна ви е цврста подлога или тартан во парк. 

Што учи вашето дете: Оваа игра е мешавина од куглање и фудбал и ги држи децата на нозе! Децата уживаат да го поставуваат игралиштето, да се договараат како да ги постават шишињата и да цртаат околу нив со креда, пред да започнат со шутирање. Сите движења се одлични за развој на многу вештини, моторни и когнитивни и им помага на децата да изградат самодоверба во нивната транзиција кон тимски спортови.