Корупки на главата

Корупки на глава се мрсни, лушпести корки кои бебињата понекогаш ги добиваат на скалпот, на превиткувањата на телото и на торзото. Иако крастите изгледаат непријатно, тоа обично не му пречи на вашето бебе. Започнува наскоро по раѓањето и може да трае до 12 месеци.

Причини за корупки на главата

Корупки на главата на бебето се појавуваат ако кожата на вашето бебе лачи премногу маснотии (себум). Овие дополнителни маснотии го попречуваат природното лупење на кожата на скалпот и создаваат натрупана мртва кожа над скалпот. Кожата на бебето најверојатно произведува дополнителни маснотии бидејќи хормоните на мајката се уште циркулираат во крвотокот по раѓањето.

Корупки на главата исто така, може да се јават ако имунолошкиот систем на бебето премногу реагира на присуството на габички кои нормално се присутни на скалпот. Оваа прекумерна реакција предизвикува воспаление.

Корупките на главата не се заразни, опасни или сериозни.

Иако корупките можат да предизвикаат заплеткување на косата, тие нема да предизвикаат ќелавост или долгорочно губење на косата кај вашето бебе.

Симптоми 

Корупките на главата обично изгледа како бледо жолта краста или кора на задниот дел или на врвот на главата на вашето бебе. Понекогаш крастата може да се прошири и на веѓите на бебето и зад неговите уши. Некои бебиња дури имаат красти и на телото.

Крастата може да има мрсна текстура и е тешко е да се олупи.

Корупките на главата нема да му пречат на вашето бебе.

Кога да се оди на лекар 

Однесете го вашето дете на лекар ако:

  • корупките на главата не се подобруваат по две недели, и покрај едноставниот третман опишан подолу
  • осипот е црвен, или вашето бебе го гребе 
  • се чини дека осипот се шири
  • вашето бебе изгледа иритирано од тоа
  • се сомневате дека тоа се корупки.

Третман 

Корупките на главата не треба да се третираат. Обично поминува само од себе по неколку месеци од раѓањето, бидејќи хормоните на мајката го напуштаат крвотокот на бебето.

Ако сакате корупките побрзо да исчезнат, редовно масирајте ја главата на бебето со бебешко масло или вазелин пред да го капете. Користете благ шампон за бебиња за да го измиете маслото. Со текот на времето, корите ќе омекнат и треба лесно да се отстранат ако ги поминете со памучна крпа или мека четка за заби за бебиња.

Не ги отстранувајте крастите насилно, бидејќи тоа може да предизвика крварење на кожата на вашето бебе.

Ако крастите се воспалени, вашиот лекар може да ви препише комбинација од благ кортикостероид и крем против габички. Нанесувајте го кремот според упатствата.

На бебињата многу ретко им е потребен шампон против првут без рецепт. Ова може да ја иритира кожата и очите на вашето бебе, затоа треба да го разредете во вода ако го користите.

Не грижете се ако крастите повторно се појават по третманот. Ова само значи дека жлездите на вашето бебе се уште произведуваат дополнителни масти. Крастите би требало  да исчезнат за 6-12 месеци.